Pro oder Contra Zäitëmstellung?D'EU-Kommissioun freet d'Bierger no hirer Meenung

Ronn 500 Milliounen EU-Bierger gi bei enger europawäiter Online-Ëmfro gefrot, op se fir oder géint eng Zäitëmstellung sinn. D'Ëmfro leeft bis Mëtt August.

Scho laang gëtt driwwer gestridden an diskutéiert: Soll d'Wanter- a Summerzäit ofgeschaaft ginn oder soll et bleiwe wéi et elo ass?

Fir dat erauszefannen, rifft d'EU-Kommissioun d'Leit an der Europäescher Unioun dozou op, bei enger Online-Ëmfro matzemaachen. Bis de 16. August huet een also Zäit, seng Meenung ofzeginn.

Am Moment kontrolléiert d'Kommissioun, wat fir Konditiounen a Fuerderungen no der Ofschafung vun der Zäitëmstellung missten erfëllt sinn. Zënter 1996 stellen d'Bierger an allen EU-Länner d'Aueren am leschte Sonndeg vum Mäerz eng Stonn no fir. De leschte Sonndeg am Oktober gëtt dann nees eng Stonn no hanne geréckelt.

Hei kënnt een op de Link, fir bei der Online-Ëmfro matzemaachen!


Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.