VIDEO: Juncker am Interview (Deel 2)Iwwer d'Kris an Europa, Flüchtlingen an de Bilan no 4 Joer Bréissel

Niewent dem Treffen tëscht dem US-President Trump an dem EU-Kommissiounspresident Juncker war och de Gesondheetszoustand vum Ex-Premier e Sujet.

De Kommissiounspresident Jean-Claude Juncker am Interview (02.08.2018)
De Jean-Claude Juncker iwwer Europa an der Kris, Flüchtlingen an de Bilan no 4 Joer Bréissel.

D'Flüchtlingskris wier och schonn een Deel vu sengem Walprogramm 2014 gewiescht, ier hien President vun der EU-Kommissioun ginn ass. De Jean-Claude Juncker ass der Meenung, datt Europa muss eng Plaz bleiwen, wou déi di Asyl verdéngen, och Asyl kréien. 750.000 Leit hätten an de leschten 2 Joer de Statut kritt.

Den EU-Kommissiounspresident ass frou iwwer déi Sozialsail, déi di 28 Staaten ugeholl ginn. Dat soziaalt Europa bleift ënnerentwéckelt, well een a Saachen Aarbechtsrecht a Renten sou grouss Differenzen hätt.

Fir de Brexit gëtt et kee ganz gutt Enn, dat géif et net ginn. All Léisung wier schlecht fir d'Englänner. "Ech sinn net Premier zu London, d'Englänner hätten och net gären, wann ech et wier.

Handelsaccord tëscht der EU an den USA
Dem Jean-Claude Juncker geet et gutt. D'Sciatique, déi den EU-Kommissiounspresident wärend dem Nato-Sommet virun 2 Woche krut, wär an der Tëschenzäit nees ofgeklongen. Et géif him kierperlech, awer och geeschteg gutt goen.

De Kommissiounspresident Jean-Claude Juncker am Interview (01.08.2018)
Niewent dem Treffen tëscht dem US-President Trump an dem EU-Kommissiounspresident Juncker war och de Gesondheetszoustand vum Ex-Premier e Sujet.

Obwuel de Jean-Claude Juncker am Virfeld vu senger Visitt an den USA vill ronderëm gereest ass, hätt hie sech ganz gutt op de Meeting mam Donald Trump virbereet gehat. Dass d'Gespréicher esou verlafe géifen, wéi se schlussendlech gelaf sinn, hätt hien awer trotzdeem net erwaart gehat, vun dohier wier hien och ganz zefridde mam Ausgang vun der Entrevue.

© RTL Télé


Europa importéiert méi Sojabounen a Flësseggas, d'USA loossen dofir d'Taxen op europäeschen Autoe falen, esou d'Konklusioun vum Gespréich graff resuméiert.

Am Groussen a Ganze sinn Handelsaccorden awer mat alleguerten de Länner wichteg, esou de Kommissiounspresident, an d'Resultat géif och weisen, dass den Interessi, mat Europa Verträg ze maachen, absolut do wier an och klamme géif. Dat géifen och den Handelsaccord mat Kanada an awer och dee mat Japan, dee virun 2 Wochen ënnerzeechent gouf, weisen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.