Ried zur Lag vun der UniounJuncker fuerdert: Europa soll mat enger Stëmm schwätzen

Den EU-Kommissiounspresident Jean-Claude Juncker hält seng lescht Ried zur Lag vun der Unioun am Europaparlament zu Stroossbuerg.

Juncker fuerdert: Europa soll mat enger Stëmm schwätzen (12.09.2018)
Den EU-Kommissiounspresident Jean-Claude Juncker hält seng lescht Ried zur Lag vun der Unioun am Europaparlament zu Stroossbuerg.

Et ass zwar meng lescht Ried zur Lag vun der Europäesche Unioun, ma net meng leschte Ried, sou huet de Kommissiounspresident Jean-Claude Juncker e Mëttwoch de Moien d'Europadeputéierten zu Stroossbuerg adresséiert. Wärend 53 Minutten huet hien seng Prioritéite fir d'Unioun no den Europawalen am Mee nächst Joer duergeluecht.

State of the Union / Reportage Annick Goerens



D'EU wär e Garant fir de Fridden an dofir soll een dëser Unioun och méi Respekt weisen. Et soll een „jo“ zum Patriotismus soen, ma sech ganz däitlech géint den „Nationalismus“ un der Muecht, déi Europa-feindlech sinn, wieren. D'EU misst sech dann och, mat Bléck op déi imminent Attack op d'Rebellenhéichbuerg Idlib a Syrien, méi global engagéieren. D'Welt vun haut bräicht e staarkt an unifiéiert Europa.

Migratioun


A puncto Migratioun fuerdert de Kommissiounspresident eng equilibréiert Migratiounsreform, déi elo vun der Éisträichescher Rotspresidentschaft géing ausgeschafft ginn. Et kéint nämlech net sinn, dass bei all Schëff, wat an engem europäeschen Hafen ukënnt, eng nei ad-hoc Léisung misst gesicht ginn. Donieft wëll de Jean-Claude Juncker d'Frontex, déi europäesch Agence fir de Schutz vun de Baussegrenzen, stäerken. Bis 2020 soll d'Zuel vun den Grenzschutzbeamten op 10.000 erhéicht ginn.

Terror

D'Bierger géingen zu Recht verlaangen, dass d'EU si schützt a beschützt. Dofir géing d'Kommissioun nei Reegele proposéieren, fir terroristesch Propaganda, bannent enger Stonn, vum Internet kënnen z'eliminéieren. Donieft soll den neien europäesche Parquet d'Aufgab kréien, terroristesch Doten ze bekämpfen.

Zäitëmstellung

Dann huet sech den Kommissiounspresident nees eng Kéier dofir ausgeschwat, dass d'Zäitëmstellung soll ofgeschaaft ginn. D'Memberstaate missten awer all selwer entscheeden, ob hir Bierger an der Summer- oder an der Wanterzäit solle liewen.

PDF: Ried vum Jean-Claude Juncker

Reaktiounen no Ried vum Jean-Claude Juncker

D'Ried vum Jean-Claude Juncker iwwert Lag vun der Unioun, wier eng Ried déi den Realitéite géif Rechnung droen, sou reagéiert de liberale Parlamentarier Charel Goerens. Den DP-Europadeputéierten appreciéiert et, datt den EU-Kommissiounspresident den Aarbechtsrhythmus vun den europäeschen Institutioune bis d'Europawahlen d'nächst Joer am Mee weiderhin héichhale wëll.

Virun allem bei der EU-Aussepolitik bréicht hien awer d'Ënnerstëtzung vum Europaparlament. D'Unanimitéit géif allerdéngs Europa schwächen, ma an Zukunft misst fir déi gemeinsam Defisen ewéi Kohesioun, déi bannent a baussenzegt Sécherheet esou ewéi de Multilateralismus gekämpft ginn. De Charel Goerens gesäit hei ganz kloer, dass de Jean-Claude Juncker hei wëll eng Zukunft opbauen. Den DP-Politiker schwätzt vun enger gudder Ried mat vill Engagement.

De Charel Goerens



Gutt fonnt huet den DP-Europadeputéierte Charel Goerens och dat Valeuren vum Zesummeliewen an der Unioun weiderhi misste bäibehale ginn.  A senger Ried hätt den EU-Kommissiounspresident een Appell gemaach fir dat jidereen sech soll engagéieren, seet iwwerdeems déi rout Europadeputéiert Mady Delvaux-Stehres. Et wier een Opruff gewiescht fir d'Vertrauen an der europäescher Unioun ze stäerken a fir ze weisen dat d'Unioun een Instrument wier fir d'Leit weiderzebréngen. D'Mady Delvaux-Stehres hätt gären eppes iwwert déi kënschtlech Intelligenz héieren an d'Recherche, déi an dës Richtung soll weider ausgebaut ginn. Hei soll dann och d'Industrie agebonne ginn, fir géint d'Konkurrenz aus den USA an Asien kënnen unzekommen.

D'Mady Delvaux-Stehres



Virun allem wat d'Migratioun ugeet, missten sech d'Memberstaaten zesummerappen fir Léisungen ze fannen, esou nach d'LSAP-Parlamentarierin.

De Jean-Claude Juncker hätt a senger Ried zur Lag vun der Europäescher Unioun virum EU-Parlament zu Stroossbuerg vill wichteg Propose gemaach, fënnt déi gréng Europadeputéiert Tilly Metz.

Zum Beispill misst d'EU an Zukunft mam afrikanesche Kontinent op Aenhéicht  negociéieren. Déi Länner bräichte keng Charité, ma een authentescht Zesummeschaffen. Vill wichteg Propose wären deemno gemaach, ma an anere Beräicher hätt et un Detailer gefeelt, erkläert d'Tilly Metz.

D'Tilly Metz


"Hien huet och vun Klimaschutz geschwat an vun Ziler déi mir am Klimaberäich hunn, ouni an den Detail ze goen an ouni vun konkreten Moossnamen ze schwätzen. Dat hunn ech e bësselche vermësst. Hien huet vum Ëmweltschutz geschwat an vum One-Use-Plastik den misst reduzéiert ginn, respektiv verbueden ginn. Vermësst hunn ech dass hien guer näischt iwwer den „CAP“ gesot huet, d'politique agraire commune. Ech denken dat ass awer fir Europa een aneren ganz wichtegen Enjeu."

De neie CSV-Europadeputéierte Christophe Hansen lueft, dass den Kommissiounspresident a senger Ried net einfach just e Réckbléck op seng Aarbecht déi lescht Jore gemaach huet, ganz am Géigendeel.
De Christophe Hansen


"Hien huet opgezielt eng ganz Partie Beräicher an der Ëmwelt, an der Migratioun an de Finanzen etc. wou nach Handlungsbedarf ass an Dossieren opstinn. Ech hunn et eng ganz ambitionéiert Ried fonnt an t'ass een staarken Aarbechtsprogramm. Dat ass fir mech och interessant, well ech elo och just 9 Méint hunn fir den een oder aneren Dossier ze traitéieren. Et war also keen einfachen Réckbléck wéi een dat dacks beim Etat de la nation zu Lëtzebuerg erlieft."

Donieft wär de Jean-Claude Juncker och op Problemer respektiv Suergen an Ängschte vun de Bierger agaangen. A punkto Sécherheet soll zum Beispill de Grenzschutz besser opgestallt ginn an Terrorismus-Propaganda online besser bekämpft ginn, sou nach de Christophe Hansen.



Schreiwes vun der CSV:

Juncker im Europaparlament: Keine Festung Europa

Die Europapartei CSV begrüßt die konkreten Zukunftsvisionen der Rede zur Lage der Union von EU-Kommissionspräsident Jean-Claude Juncker. „Die Rede von Jean-Claude Juncker war eine Arbeits- und Aktionsrede, die eine Aufbruchsstimmung in Europa wieder möglich macht. Eine Politik der Bürgernähe tut den Menschen gut“, erklärt CSV-Spitzenkandidat Claude Wiseler.

Wir begrüßen die Stärkung der EU-Außengrenzen und die Unterstützung aus Brüssel in Sachen Asyl bei gleichzeitiger Wertefestigkeit und der klaren Absage an eine „Festung Europa“. Europa muss offen für Verfolgte bleiben und unser Kontinent braucht auch in Zukunft legale Einwanderung. „Jean-Claude Juncker hat mit seiner Rede einmal mehr christlich-soziale Akzente gesetzt. Er kann auf die Unterstützung der CSV zählen“, betont CSV-Nationalpräsident Marc Spautz.

                                                                       mitgeteilt vom CSV Generalsekretariat


Schreiwes vun der Europadeputéierten Tilly Metz (Déi Gréng):

La déclaration sur l'État de l'Union

Le président de la Commission européenne, Jean-Claude Juncker, a prononcé son quatrième et dernier discours sur l'État de l'Union ce mercredi, 12 septembre. Le commentaire de l'eurodéputée verte Tilly Metz:

« J’ai apprécié l’analyse de Jean-Claude Juncker sur la relation entre solidarité et souveraineté et je suis d’accord avec l'idée qu’aimer son pays et aimer l’Europe ne s’excluent pas, au contraire! Ainsi, pour reprendre les paroles de JCJ:  l’"UE ne doit pas être spectateur sur les gradins du monde MAIS, un acteur (…) qui ne reste pas silencieux face aux désastres humains". Pour ce qui est de la protection de l’environnement, je vais soutenir la Commission Européenne dans la réduction voire, l’interdiction dans certains domaines, du plastique à usage unique.

Jean Claude Juncker a parlé explicitement du climat et de la réduction de Co2 pour 2030, malheureusement il n’a pas évoqué de mesures concrètes pour arriver à une transition énergétique ce qui m’intrigue, puisqu’il a insisté sur le fait que nous devons de la clarté aux citoyen-ne-s et "qu’il n’est pas recommandable de leur offrir des demi-mesures."

J’aurais aussi voulu qu’il parle de la politique agraire, un autre grand enjeu de l'Union européenne qu’il faut davantage thématiser. »

D'Reaktioun vum Charles Goerens (DP)

Jean-Claude Juncker a raison de vouloir maintenir le rythme de travail dans les institutions européennes jusqu’aux élections de mai 2019. Il mérite le soutien du Parlement européen lorsqu’il plaide en faveur d’une amélioration des mécanismes décisionnels, notamment en matière de politique étrangère. L’unanimité, source de retard et de blocage, affaiblit l’Europe à un moment où tout nous invite à construire notre avenir et à nous rassembler autour de nos défis communs que sont la cohésion et la sécurité intérieures, la sécurité extérieure, le multilatéralisme - garant de rapports civilisés entre les nations, la nécessaire dimension sociale ainsi que la défense de nos valeurs fondamentales mises à l’épreuve à la fois par l’évolution technologique et le repli sur soi de certains de nos Etats membres.



E Réckbléck op 4 Joer Kommissiounspresident Juncker

© AFP (Archiv)


De fréiere Lëtzebuerger Premier steet zanter Enn 2014 un der Spëtzt vun der EU-Kommissioun. Seng Mandatszäit leeft am Oktober d'nächst Joer of. De Jean-Claude Juncker hat schonn am Virfeld annoncéiert, dass hie kee weidert Mandat ustrieft.Wat ass vun deene knapp 4 Joer vum Jean-Claude Juncker als EU-Chef zréckzebehalen? Wourop huet den CSV-Politiker a senge Rieden zanter 2014 den Akzent geluecht? Den Eric Ewald kuckt kuerz op dës Zäit zréck:

Juncker EU-Ried / Reportage Eric Ewald

„Ech mengen, dass dës Kommissioun d'Kommissioun vun der leschter Chance ass. Entweder et geléngt eis, d'europäesch Bierger méi no un Europa erunzebréngen, oder mir scheiteren!“: Mat deene Wierder hat dem Jean-Claude Juncker seng 1. Ried zur Lag vun der Unioun am Oktober 2014 opgehalen. Deemools hat den EVP-Vertrieder ënner anerem d'Iddi vun deem no him benannte Plang lancéiert, dem sougenannte Juncker-Plang. An hien huet och betount, datt hien dëse Plang wéinst duerchféieren a sech net dovunner wéilt ofbrénge loossen.

Dësen Investitiounsplang huet offizielle Statistiken no zum Plus beim Wuesstem an der EU bäigedroen, soudass dee Plang d'Reprise vun der Konjunktur op d'mannst ënnerstëtzt huet. Dogéint huet d'Europäesch Unioun an der Flüchtlingspolitik keng Fortschrëtter gemaach, an et gouf Réckschrëtter a Saache Rechtsstaatlechkeet, zum Beispill a Polen an an Ungarn. Dorop goung de Kommissiounspresident zejoert a senger Ried an. D'Rechtsstaatlechkeet an der Unioun ass eng Flicht. Och wann d'EU kee Staat wier, misst si awer e Rechtsstaat sinn.

Kuerz nom Jean-Claude Juncker senger Ried e Mëttwoch de Moie gëtt sech iwwregens am Europaparlament mat enger eventueller Strofprozedur géint Ungarn befaasst, déi d'Rëss tëscht Westen an Oste vun der EU weider verdéiwe kéint. Net ze schwätze vun de Brexit-Verhandlungen oder deenen iwwert de Finanzkader vun der Unioun.

Den Ex-Premier selwer schéngt gesondheetlech ugeschloen ze sinn. Wéi hien am Juli um NATO-Sommet zu Bréissel getierkelt ass, hu sech vill Leit eescht Suergen ëm hie gemaach. Kuerz dono ass de Jean-Claude Juncker op Washington gefuer an huet mat engem Handelsaccord mam US-President Donald Trump iwwerrascht. A senger Presidence hu sech deemno Luucht a Schiet ofgewiesselt.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.