Fréistens 2021Ofschafe vun der Zäitëmstellung net schonn 2019

Däitsche Medien no geet de Plang vun der EU-Kommissioun net op, fir d'Zäitëmstellung schonn d'nächst Joer ze stoppen.

© AFP (Archiv)
Eréischt 2021 sollt et elo méiglech ginn, fir d'Ëmstelle vu Wanter- op Summerzäit an erëm zeréck ofzeschafen, obwuel d'EU-Kommissioun dëst méi séier wollt ëmsetzen. Problem ass hei, datt sech déi eenzel Memberlänner net eens sinn an et aktuell schwiereg ass, fir e Konsens ze fannen. D'Länner wëlle méi Zäit, fir dat z'analyséieren, ze plangen an doriwwer ofzestëmmen.

Et war d'EU-Kommissioun, déi proposéiert hat, datt d'Länner solle wielen, ob si d'Wanterzäit oder d'Summerzäit wëlle bäibehalen. Grond fir dës Decisioun war eng Online-Ëmfro vun der EU, wou eng 4,6 Millioune Leit matgemaach hunn an iwwer 80 Prozent dofir waren, fir d'Zäitëmstellung ofzeschafen.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.