Europawalen 2019D'Piraten haten um Samschdeg op hiren Europakongress geruff

Eng 20 Parteimemberen hunn d'Lëscht fir d'Walen am Mee dat anert Joer ugeholl.

© Dany Rasqué
D'Piratepartei ass domadder déi éischt, déi bekannt ginn huet, mat wéi enge Leit se et dat anert Joer an d'Europaparlament wëll packen.

De Marc Goergen (15.12.2018)
/


An d'Course geschéckt ginn:

de Starsky Flor
de Chris Bernard
d'Marie-Paule Dondelinger
den Daniel Frères
d'Lucie Kunakova
an de Christian Welter

Déi jonk Partei envisagéiert ee Sëtz am Europaparlement ze kréien.

De Marc Goergen



Den Deputéierte Marc Goergen sot: Mir ginn dovunner aus, datt d’CSV weider e puer Stëmme wäert verléieren a mat hiren 3 Sëtz dat net wäert halen. Dann ass eben herno den Challenge, wou geet deen ee Sëtz hin.  Mir hu schonn eng Kéier bewisen, dass mer déi Lénk kënnen hannert eis loossen a mat eisem europäesche Wahlprogramm sinn ech och ganz zouversiichtlech, wann ech e bësse kucken, wéi d’Meenung vun de Lëtzebuerger zu Europa ass, déi awer kräfteg pro-europäesch ass, dass mer och den ADR do kënnen hannert eis loossen an deementspriechend si mir dann als déi Partei an der Pole Position, wou deen ee Sëtz do kann opfänken.

D'Piraten hunn och nach eng Lëscht mat 10 Prioritéiten ugeholl, déi als Basis sollen déngen fir de Wahlprogramm, deen ugangs d'nächst Joer soll op Pabeier bruecht ginn.

Zu deene Prioritéiten gehéieren eng Stäerkung vun der EU, e fairt a soziaalt Europa, Transparenz an  den Déiereschutz.



Hei dat offiziellt Schreiwes:

Lëtzebuerg, den 15. Dezember 2018

PIRATEN wielen Europalëscht a presentéieren Top 10 Themen

Knapp 6 Méint virun den Europawalen 2019 hunn d’PIRATEN als éischt Partei hir Lëscht fir
d’Walen zum europäesche Parlament eestëmmeg mat enger Enthalung ugeholl.

D’Lëscht besteet aus:

• FLOR Starsky
• BERNARD Chris
• DONDELINGER Marie-Paule
• FRÈRES Daniel
• KUNAKOVA Lucie
• WELTER Christian

No der Lëscht goufen och nach déi 10 Top Themen vun der Partei fir d’Europawalen ugeholl. De Starsky FLOR seet dozou: “Mir sinn eng kloer pro-europäesch Partei, déi awer net dovunner zeréckschreckt och komplizéiert Dossieren unzegoen fir déi den Traité misst geännert ginn.”

D’Themen sinn:

• Pro Europa – Pirate setzen sech fir d’Stäerkung vun der EU an
• Europa fir jiddereen – Mir grenze keen aus, jidderee soll déi selwecht Chancen,
Rechter a Méiglechkeeten an Europa hunn.
• Europa fair & sozial – Mindestloun fir sozial Sécherheet an der EU ofzesécheren,
souwéi Ausschaffe vun engem Grondakommes.
• Europa digital – Digitaliséierung notzen, Opensource stäerken
• Demokratesch EU – Parlament stäerken, Direkt-Wal vum President,
Matbestëmmung stäerken, Referendum fir EU Bierger erméiglechen
• Ëmwelt an Europa fir muer – Klima an Ëmweltschutz; Erneierbar Energien;
Ressourcen erhalen; Gesond Liewensmëttel
• Déiereschutz stäerken – Fir ee gläichen a qualitativen Déiereschutz an Europawäit.
• Europa am Fridden – Friddenspolitik fir d‘EU an iwwert aner Kontinenten eraus
• Staark Ekonomie fir d‘EU – Zieler fir eng gemeinsam Ekonomie an der EU :
ëmweltfrëndlech, fair & sozial
• Transparenz – Entscheedungen, Dokumenter, Politiker

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.