Frankräich mécht DrockRéckschlag fir geplangte Gas-Pipeline Nord Stream 2

D'EU Länner wëlle sech um Freideg kloer positionéieren, wat d'Reform vun der europäescher Gas-Direktive betrëfft.

An dem Kontext kommen zu Bréissel d'EU-Ambassadeure beieneen. Frankräich hat en Donneschdeg annoncéiert, dass een d'Initiative wéilt ënnerstëtzen, fir d'EU-Reegele fir Pipelinen aus Drëttstaaten ze verschäerfen. Sou ee Schrëtt kéint allerdéngs Problemer fir déi geplangte Gas-Pipeline Nord Stream 2 tëscht Däitschland a Russland bedeiten. Fir dass Decisioun vun den EU-Staaten valabel ass, ass eng qualifizéiert Majoritéit néideg. Dono kéinte Verhandlunge mam EU-Parlament iwwert d'Direktive ufänken.


Nord Stream 2 soll vun Enn des Jores un russesche Gas duerch d'Ostsee an Däitschland transportéieren. Däitschland géif dee Moment den Haaptdistributeur fir russeschen Äerdgas a Westeuropa ginn. Polen an d'Ukrain géifen als Transitlänner fir Gasliwwerungen u Bedeitung verléieren.



Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.