EU-FinanzopsiichtDéi momentan Reegele fir Investment-Fonge bleiwe bestoen

D’EU-Finanzministeren hu sech en Dënschdeg zu Bréissel op e Kompromëss gëeenegt, iwwert eng Reform vun den europäesche Finanz-Opsiicht-Autoritéiten.

De Kompromëss léich ganz no un deem, wat de Grand-Duché proposéiert hat, sot no der Reunioun de Lëtzebuerger Finanzminister Pierre Gramegna. Wichteg wier et him gewiescht, dass virun allem déi momentan Reegelen fir Investment-Fongen géife bäibehale ginn.

De Kompromëss ass elo mol en éischte Schrëtt. Den definitive Reformtext mussen d’Memberen nach mam EU-Parlament zesummen ausschaffen.