Juncker vs Blocher: Et koum net zum erwaarten Eclat

Zürich: An der kontroverser a mat Momenter animéierter Diskussioun mam Christoph Blocher huet de Jean-Claude Juncker sech net provozéire gelooss.

Gutt 750 Leit waren e Mëttwoch den Owend zu Zürich am Schauspielhaus, fir den Debat tëscht dem Christoph Blocher vun der Schwäizer Vollekspartei an dem Lëtzebuerger Premier ze suivéieren.

D’Thema war: D’Entwécklung vun der EU an d’Roll vun der Schwäiz an deem Ganzen. Dat war schonns Wochen ofgemat. Eng méi rezent Diskussioun huet dem Owend vun e Mëttwoch awer de Stempel opgedréckt a si erkläert sécherlech och de grousse Public. Dobäi geet et ëm d’Ausso vum Christoph Blocher, vu virun 10 Deeg, nämlech datt de Jean-Claude Juncker an engem Interview mat der däitscher Zeitung "Die Zeit" iwwert d’Schwäiz géif schwätzen ewéi den Hitler.

Do souzen 2 Politiker, déi mat hire Meenungen um Enn vun der Veranstaltung nach grad esou wäit vuneneen ewech waren ewéi virdrunner.

De Christoph Bocher gesäit sech als Verdeedeger vu sengem Land. E Land, wat net an d’EU erawell an e Land, dat gären eescht geholl gëtt, sou de Schwäizer Politiker.

 AUDIO: Extrait Christoph Blocher. »


Zum Eclat, dee munchereen sech vläit erwaart hat, koum et awer net.

Extrait vum Gespréich Juncker-Blocher (13.01.2011)
Zürich: An der kontroverser a mat Momenter animéierter Diskussioun mam Christoph Blocher huet de Jean-Claude Juncker sech net provozéire gelooss.

An der kontroverser a mat Momenter animéierter Diskussioun huet de Jean-Claude Juncker sech net provozéire gelooss a betount, datt et just säi Wonsch ass, datt d’Schwäiz Member vun der EU gëtt. D’Decisioun awer, ob dat geschitt, géif eenzeg an eleng bei de Schwäizer leien, sou de Premier.





Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.