BrexitDen Tim Barrow ersetzt de briteschen EU-Ambassadeur Rogers

De britesche EU-Ambassadeur Ivan Rogers huet e Mëttwoch, ier d'EU-Austrëttsprozedur vu Groussbritannien ufänkt, säin Amt opginn. Ersatz gouf séier fonnt.

Eigentlech sollt dem Ivan Rogers seng Funktioun eréischt am Oktober op en Enn goen. London huet awer séier reagéiert: nëmmen een Dag no senger Demissioun gëtt hien elo duerch den Tim Barrow ersat.
Den Diplomat war während 4 Joer briteschen Ambassadeur zu Moskau an iwwerhëlt säi neien Posten zu Bréissel schonn d'nächst Woch.

Récktrëtt vum briteschen EU-Ambassadeur/Reportage Ben Frin


 
Schaarf kritiséiert hat iwwerdeems deen demissionären Ambassadeur Rogers d'britesch Regierung an engem Mail u seng Mataarbechter: wéi de Mann geschriwwen huet, hätt d'Regierung keng seriéis Verhandlungserfahrung, wann et lo drëms geet de Brexit ze negociéieren.