Ventoux, Vëlo a PetrarcaVideo a Fotoe vum Themenowend zu Jonglënster

E Mëttwoch, 26. Abrëll goufen am Centre Culturel "Am Duerf" zu Lënster Philosophie, Cyclissem an Tourissem zerwéiert. Mam Fränk Schleck a Jean Asselborn.

© Roland Miny - pressphoto.rtl.lu
De 26. Abrëll 1336 ass den italienesche Geléierten, Dichter an Humanist Francesco Petrarca op den 1911 m héije Mont Ventoux geklommen.

Um 681. Joresdag koum et zu Jonglënster zu engem multidisziplinären Hommage un den "Mont Chauve" respektiv un den "Géant de la Provence". Hei Fotoen, de Video an e Radio-Reportage vum Owend.

FOTOGALERIE: Andréck vum Themenowend zu Jonglënster vum Roland Miny op pressphoto.rtl.lu.

RADIO: E Reportage vum Ventoux-Owend zu Lënster.



Wie war alles do?

De Philosproff Jean-Luc Thill huet d'Nolauschterer an d'Denke vum 14. Joerhonnert versat.

De Journalist Luc Marteling huet dem Francesco Petrarca säin epochaalt Wierk "L'ascension du Mont Ventoux" virgestallt.

De Sportjournalist Rich Simon huet d'Importenz vum Bierg an der Geschicht vum Cyclissem a natierlech virun allem op d'Lëtzebuerger Exploite beliicht.

De Lëtzebuerger Ausseminister Jean Asselborn huet vu sengen Experienzen um Bierg erzielt.

De Fotograf Roland Miny huet eng Selektioun vu senge beschte Biller gewisen, déi hien am Kader vum Tour de France op Ventoux-Etappe gemaach huet.

De fréiere Vëlosprofi Fränk Schleck huet dem Roland Miny seng Biller kommentéiert a sech u seng Erliefnesser um Ventoux erënnert.

An de Provence-Kenner a passionéierte Vëlosfuerer Jacques Kapp huet d'Ventoux-Regioun ënner touristeschen Aspekter méi no bruecht.

Moderatioun: Max Theis, Introduktioun: Armand Schleich

An de Kulturzenter zu Lënster war strubbelvoll ...

FOTOGALERIE: Andréck vum Themenowend zu Jonglënster vum Roland Miny op pressphoto.rtl.lu.



Mont-Ventoux-Owend: Virbericht Jeff Kettenmeyer





Organisatioun: Kulturkommissioun vun der Gemeng Jonglënster.

Tour de France 2016: De Fränk Schleck op de Flanke vum Mont Ventoux.© Roland Miny - pressphoto.rtl.lu


© Luc Marteling