Pressezeechner4 grouss Nimm vum Dessin de Presse zu Lëtzebuerg

Si bréngen een zum laachen, awer och zum nodenken, si provokativ, engagéiert a mënschlech.

Pressezeechner/Reportage Claudia Kollwelter



Hir witzeg Lektüren iwwert d'Aktualitéit sëtzen sech mat schwéiere Sujeten auserneen an dat Ganzt mat vill Talent an Humor - gemengt sinn d'Pressezeechner. Hir Aarbecht ass eng eenzegaarteg Form, sech z'expriméieren an ass fräi vun all Tabu.
Um Donneschdeg den Owend waren eng Partie international Karikaturiste fir eng Konferenz an der Escher Kulturfabrik.

Zeechnung vum Willem


Besse, Pakman, Samson a Willem - ënnert deene Kënschtlernimm zeechen déi 4 Zeechner fir ënnert anerem Le Monde, Charlie Hebdo, Siné Mensuel, oder Libération. Limitte géing et an hirer Aarbecht keng ginn, vue datt se sech mat Aktualitéitssujete mussen ausernaner sëtzen. Et géing een versichen seng eegen Opfaassung vun de Saachen an den Zeechnungen zréckzeginn betount de Pakman.

Natierlech huet jidderee seng eegen Manéier, ze schaffen, seet d'Camille Besse. Et hänkt engersäits dovun of, fir wéi eng Zeitung et ass - bei verschiddenen huet een d'Fräiheet ze zeechnen, wat ee wëll, anerer kréien Artikele vun heiansdo 10 oder 15 Säiten a mussen dann dozou hir Zeechnung maachen.

An enger neier Collectioun kann ee sech iwwregens d'Aarbechten vun den Zeechner ukucken.

LINK: Les Iconovores bei "Critères Editions"