VIDEO: 4.-6. August: Food For Your Senses 2017Méi wéi e renge Museksfestival - De Food um Kierchbierg

Annenmaykantereit, De Läb Orchestra a Goat heeschen 3 Headliner vum Food for your Senses Festival 2017.

PDF Pressedossier Food 2017

Méi wéi e renge Museksfestival - De Food um Kierchbierg (13.06.2017)
Annenmaykantereit, De Läb Orchestra a Goat heeschen 3 Headliner vum Food for your Senses Festival 2017.


Um Mëttwoch hunn d'Organisateuren Detailer vun der 10. Editioun bekannt gemaach. No 2 Joer Pau s ass de Festival jo dëst Joer op engem neien Site, an zwar um Kierchbierg direkt nieft der RTL City vum 4. bis de 6. August!

Food For Your Senses/Reportage Carmen Michels



Lauschteren, schmaachen, richen: Och dëst Joer kommen all d'Sënner op hir Käschten. De Food for your senses wëll nach ëmmer méi si wéi e renge Musikfestival.

Eng gréng Oase matten an der Stad, esou beschreiwen d'Organisateuren den neie Site um Kierchbierg. Nieft bessere Verbindungen ass an bleift d'Natur ee wichtegen Aspekt , an esou ass dee verwénkelte Site optimal fir d'Organisatioun vum Festival, deen natierlech Concerten, mä och Konschtausstellungen, Iessen an Diskussiounsronnen ënnert anerem bitt.

© Carmen Michels

D'Organisateure rechne vum 4. bis de 6. August mat 5 bis 7.000 Visiteure pro Dag. Vill Leit. Duerfir hunn d'Organisateuren och ëm d'Sécherheet Gedanke gemaach. Nieft enger ganzer Rei zousätzlechen Assurancen, déi d'Asbl ofgeschloss huet, si Police, Pompjee a Security natierlech am Asaz an et gouf och iwwer den Trafic nogeduecht.

Wat net geännert huet, an dach dacks vergiess gëtt, ass dass nach ëmmer eng Asbl hannert der Organisatioun vum Festival stécht! Eng Ronn 40 Benevolle plangen den Event. Bis August kommen awer ëmmer méi Leit dobäi, déi hir Zäit, kreativ Iddien oder och Material an d'Organisatioun vun dësem Event mat abréngen.

PDF Provisoresch Kaart vum Food-Site 2017

Uewen am Artikel ass och ee Link op de PDF vun dëser Kaart


Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.