VIDEOLuxembourg Art Week - Ouverture vu Konschtfoire

No méintelaangem Plangen an Organiséieren war um Freideg déi grouss Ouverture vun der 3. Editioun vun der Luxembourg Art Week.

Luxembourg Art Week: lescht Virbereedungen (02.11.2017)
No méintelaangem Plangen an Organiséieren, ass Freideg, déi grouss Ouverture vun der 3. Editioun vun der Luxembourg Art Week.
De ganze Weekend dréint sech an der Victor-Hugo-Hal an am Tramsschapp um Lampertsbierg alles ëm zäitgenëssesch Konscht.

E Freideg den Owend huet déi 3. Editioun vun der Luxembourg Art Week offiziell ugefaangen. Ronn 4 Méint huet et gedauert, fir dës Konschtfoire mat groussem Opwand op d’Been ze stellen. Kuerz virum Vernissage lafen d’Virbereedungen natierlech op Héichtouren.

"Mir hunn eng Surface d'exposition vun 2.500m2. De CAL huet der 1.000. Am Virfeld gi Pläng gemaach. Alles gëtt preparéiert, fir dass alles klappt. D'Spannung ass immens, fir an deenen 2-3 Deeg alles ze hunn, wéi mir et gären hätten", erkläert den Alex Reding, Direkter vun der Luxembourg Art Week.

Sëlleche regional, wéi och international Galerië stellen hir Wierker aus. Ënnert dem Volet “Positions” stelle grouss, etabléiert Galerien aus. Den "Take Off" riicht sech u méi jonk motivéiert Galeristen a Kënschtlerkollektiver.

"Mir hu vergréissert. Mir sinn op 48 Exposanten, dovunner sinn der 2 Drëttel aus dem Ausland", sou den Alex Reding.

De CAL, de Cercle Artistique de Luxembourg, invitéiert dëst Joer am Tramsschapp op säin Salon.

"D'Leit kënne während 11 Deeg d'Selektioun vum Salon kucke kommen", seet de Marc Hostert, President vum Cercle Artistique de Luxembourg.

Dossier de presse vun der Luxembourg Art Week

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.