Luxembourg Art WeekNina Tomàs Gewënnerin vum "Prix Révélation"

E Freideg den Owend gouf den Numm vun der Gewënnerin matgedeelt. Hei en Tour duerch d'Victor-Hugo-Hal an duerch den Tramsschapp ...

Salon CAL: Prix Révélation 2017 (05.11.2017)
Nina Tomàs Gewënnerin vum "Prix Révélation"

Am Kader vun der Luxembourg Art Week 2017 invitéiert de CAL, de Cercle Artistique de Luxembourg, op säin Salon.
Um Vernissage e Freideg den Owend gouf déi jonk Molerin Nina Tomàs mam Prix de révélation geéiert.

Et ass dëst Joer schonn fir drëtt, datt de Lampertsbierg um Ufank vum November den Zentrum vun der Konscht zu Lëtzebuerg gëtt.

Nieft Köln, Bréissel a Paräis huet Lëtzebuerg domadder och seng Plaz an der Groussregioun am zäitgenëssesche Konschtmarché.



National an international Galerië ginn de Visiteuren dofir Rendez-vous an der Hal Victor Hugo. En Abléck an d'Schafe vun de Lëtzebuerger Kënschtler weist den traditionelle Salon vum CAL, dee seng Ausstellung gläich niewendrun am Tramsschapp huet.

E Freideg um 11 Auer sinn a béiden Halen d'Diere fir d'Art Week 2017 opgaangen.

Andréck vun der Luxembourg Art Week (03.11.2017)
D'RTL-Kulturcheffin Christiane Kremer e Freideg den Owend am Journal vun RTL Télé Lëtzebuerg mat e puer Impressioune vun der Plaz.


An e Freideg den Owend gouf d'Nina Tomàs mam Prix Révélation geéiert. Dat ass e Präis fir jonk Kënschtler am Salon vum CAL.

Dat ausgezeechent Wierk vum Nina Tomàs.© Christiane Kremer


Am Ganze sinn 29 national an international Galerien am Beräich "Positions" vertrueden an 20 méi kleng Konschtatelieren oder Kollektiver am Beräich "Take-Off".

Dozou gehéiert zum Beispill Sixth Floor, den Tom Flick.

Art Week: De Tom Flick vu Sith Floor




Net fir d'éischt derbäi sinn d'Kënschtler vum Projet Hariko, déi jo nach just bis Mäerz am Gebai zu Bouneweg kënne bleiwen an op der Sich no enger neier Plaz sinn. Vläicht hëlleft d'Artweek, op alle Fall geet et hinne gutt, wéi d'Reiny Rizzi erkläert.

Art Week: Hariko Reiny Rizzi a Joëlle Daubenfeld




Och fir déi international Galerien ass dës Foire an de Lëtzebuerger Konschtmarché intressant. D'Galerie Michel Giraud, originaire vu Paräis, ass fir d'éischte Kéier mat engem Stand vertrueden.

Art Week: Galerie Michel Giraud Paräis/Lëtzebuerg




Nieft dësem Stand ass d'Lëtzebuerger Molerin Dany Prum och um "Take Off" Stand "Du Vague à l'Art reloaded", e Projet, deen se zesumme mat der Isabelle Federkeil lancéiert huet.

Art Week: Dany Prüm an Isabelle Federkeil




Fir d'Galerie Schortgen ass et schonn déi drëtt Participatioun an um Stand sinn haaptsächlech Kreatiounen vum Stéphane Halleux ze gesinn, dee jo mam "Monsieur" Houblot" en Oscar gewonnen huet.

Art Week: de Jean-Paul Schortgen vun der Galerie Schortgen




Déi jonk Galeristin Yoko Uhoda vu Léck/Knokke huet sech fir hir éischt international Foire bewosst Lëtzebuerg erausgesicht.

Art Week: Yoko Uhoda Léck/Knokke




Fir den Initiateur Alex Reding waren et an de leschte Stonnen vrun der Ouverture natierlech stresseg Momenter.

Art Week: Den Alex Reding an déi lescht Preparativen




Niewendrun am Tramsschapp ass de Salon vum CAL, bei deem dëst Joer 42 Lëtzebuerger Kënschtler mat hire Wierker vun engem Jury selektionéiert goufen. De Marc Hostert ass iwwer déi nei Plaz frou, och wann en d'Mëschung vun de leschte Joren op enger Plaz flott fonnt huet.

Art Week: de Salon vum CAL Marc Hostert




Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.