Shakira an der RockhalNeien Datum ass den 19. Juni 2018

Wéini dann elo? Enn Juni koum d'Nouvelle, dass d'Shakira den 11. November an d'Rockhal kënnt. De Concert war och de 4. Dezember nees verréckelt ginn.

Dat wéint Problemer mat de Stëmmbänner. D'Shakira huet missen hir Europa-Tournée komplett ofsoen.

Elo ass et d'Nouvelle vum neien Datum: Den 19. Juni 2018 an der Rockhal.

D'Shakira huet ënnert anerem 12 Grammye gewonnen an iwwer 60 Milliounen Albume verkaf.

Et ass den éischten Optrëtt vun der kolumbianescher Sängerin hei am Land an eng gutt Geleeënheet, den aktuellen Album "El Dorado" virgestallt ze kréien, deen a 37 Länner op d'Plaz 1 vun den iTunes-Charts war. Bis elo gouf den Album 5 Mol mat Platinn ausgezeechent. D'Singel "Chantaje" ass de fënneft séierste Video, deen iwwer 1 Milliard Klicken am Internet kritt huet.





Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.