Acteur Siegfried RauchFréieren "Traumschiff"-Kapitän am Alter vu 85 gestuerwen

De Schauspiller war virun allem wéinst Rollen an däitsche Serie bekannt, huet awer och a Kinosfilmer matgespillt.

© ZDF
De Siegfried Rauch, deen den 2. Abrëll zu Landsberg am Lech op d'Welt koum, huet ënnert anerem matgespillt an "Patton – Rebell in Uniform" oder an "Le Mans", dat zesumme mam Steve McQueen, deen e gudde Frënd vun him gouf.

Alles an allem huet de Siegfried Rauch bis haut an iwwer 500 Filmer a Serie matgespillt.

Rollen hat hien och an der däitscher Serie "Es muß nicht immer Kaviar sein" oder an der Karl-May-Fernsehserie "Mein Freund Winnetou", wou de Rauch un der Säit vum Pierre Brice den Old Shatterhand war. Weider Rollen hat hien an "Die glückliche Familie" a vun 1999 bis 2013 war hien de Kapitän Jakob Paulsen an der ZDF-Serie "Das Traumschiff". Zanter 2007 war hien och den Dr. Roman Melchinger an der ZDF-Serie "Der Bergdoktor" an zanter 2017 hat hien och Optrëtter an "Knallerkerle" (SAT.1.).

Alles an allem huet de Siegfried Rauch an iwwer 500 Filmer a Serie matgespillt. Den 11. Mäerz ass hie gestuerwen, nodeems en doheem, a senger Wunneng südlech vu München, an enger Trapp gefall war.

Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.