Georges Mischo confirméiert2 Direktesch-Poste fir Esch2022 ginn nei ausgeschriwwen

Déi aktuell Coordinateure sollen nei Plaze bannent der Asbl. proposéiert kréien. Dat huet den Escher Buergermeeschter Georges Mischo RTL confirméiert.

Vum Aarbechtsgrupp Ad-Hoc, an deem ee Vertrieder vum Kulturministère, awer och zum Beispill de Coordinateur vum Kulturjoer 2007, Robert Garcia, sëtzt, wier eng Propos un den CA gemaach ginn fir en neien Organigramm, dee vum CA validéiert gouf.

De Georges Mischo huet dat e Méindeg u seng Buergermeeschter-Kollege vermëttelt. Ee vun de Buergermeeschteren huet dat allerdéngs weider un d'Press ginn. Fir de Georges Mischo en "No Go". Hie kann et net verstoen an ass enttäuscht a rosen, datt esou eng wichteg Decisioun weidergeet, ouni datt ee virdrun mat de Coordinateure konnt schwätzen.

De Georges Mischo



Dem neien Organigramm no soll et en Directeur général an en Directeur administratif ginn.

D'Janina Strötgen an den Andreas Wagner, d'aktuell Coordinateure vun Esch2022, solle mam neien Organigramm d'Plaze vum Directeur artistique externe an interne proposéiert kréien.

Déi 2 aner Direktesch-Poste wäerten nei ausgeschriwwe ginn, wou jidderee sech drop mellen kéint, huet de Georges Mischo nach erkläert.