FOTOEN a VIDEO: Streeta(rt)nimationAkrobaten a Museker hunn d'Stad nees verzaubert

Vun e Freideg bis e Samschdeg den Owend gouf an der Haaptstad vill Animatioun ugebueden. Andauche konnt een an d’Fantasie vu ville Kënschtler.

Wann een dëse Weekend iwwer duerch d'Stad getrëppelt ass, dann hat ee vill ze kucken an ze lauschteren. Vun e Freideg de Mëtteg bis e Smaschdeg den Owend war an der Stad de Streetart Festival. Op all Eck gouf et hei verschidde Shows an et haten nawell vill Kënschtler de Wee op Lëtzebuerg fonnt, sou den Tom Bellion, Direkter vum LCTO.

Den Tom Bellion

E Piano op der Theater Plaz, en Trampolin bei der Gemeng um Knuedler an en Zauberer op der Place d’Armes. Fir kleng a grouss war hei iwwerall eppes dobäi. Organiséiert gouf de Festival vum Luxembourg City Tourist Office, déi schonns 8-9 Méint am Viraus mat der Planung ufänken. E Freideg de Mëtteg konnten d’Leit Akrobaten a Museker kucke goen. Den John Happy huet virun Allem d’Kanner mat senger Show begeeschtert. Seng witzeg Aart a Weis war awer net nëmmen eppes fir déi Kleng.

Akrobaten a Museker an der Stad (04.08.2018)
Zanter e Freideg a nach bis e Samschdeg den Owend gett an der Haptstadt vill Animatioun ugebueden. Andauche kann een an d’Fantasie vu ville Kënschtler.

Jongléieren a Dommheete maachen, dat ass ëmmer witzeg, ob Jonk oder Al. D’Stëmmung um Festival war allgemeng gutt. D'Visiteuren an d'Artiste selwer hunn d’Diversitéit vun de Shows genoss.

Verschidde Crèchë waren och mat de Kanner ënnerwee. Sonnecrème, Hitt a Waasser hu bei deem heite Wieder net dierfe Feelen. Mat iwwer 100 Spektakele gouf et mat Sécherheet kengem langweileg. D’Terrasse ware gutt gefëllt, mee wie sëtzt net gär bei gudder Musek do, e Patt ze huelen.

© Danielle Goergen (RTL)


LINK: Weider Informatiounen iwwert Streeta(rt)nimation

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.