Am Alter vu 85 JoerDéi spuenesch Opernsängerin Montserrat Caballé ass dout

D'Sopranistin ass an der Nuecht op e Samschdeg am "Hospital de la Santa Creu i Sant Pau" zu Barcelona gestuerwen.

Déi spuenesch Opernsängerin Montserrat Caballé ass dout. Déi weltbekannte Sopranistin ass an der Nuecht op e Samschdeg am Alter vu 85 Joer an engem Spidol zu Barcelona gestuerwen.

An der Lescht hat si méi dacks mat gesondheetleche Problemer ze kämpfen.



An hirer joerzéngtelaanger Carrière huet si laang Zäit als déi beschte weiblech Sopran-Stëmm op der Welt gegollt an huet och ëmmer nees mat anere Weltstaren zesummegeschafft.

Eent vun de bekanntste Lidder, wat och nach haut ëmmer mol nees am Radio ze héieren ass, ass sonner Zweiwel den Duett Barcelona, mam fréiere Queen-Sänger Freddie Mercury.



Wéi d'Montserrat Caballé 85 Joer krut: Eng "Pop History" vum Marie Gales.

12/04/2018 Pop History: Montserrat Caballé kritt der 85



D'Montserrat Caballé zesumme mat hirer Duechter Montserrat Martie am September 1997 beim Concert "World stars to kids of the world" zu Moskau.




Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.