Musekswelt an TrauerJazz-Trompettist Roy Hargrove am Alter vun nëmmen 49 Joer gestuerwen

De Grammy-Gewënner Roy Hargrove ass um Freideg zu New York un de Komplikatioune vun enger Nieren-Krankheet gestuerwen.

Dat huet säi laangjärege Manager Larry Clothier um Samschdeg op Facebook matgedeelt.

De gebiertege Texaner huet op der Musekshéichschoul zu Dallas studéiert, wéi e vum legendäre Trompettist Wynton Marsalis entdeckt gouf.

Gefërdert vum Marsalis, ass hien no sengem Ofschloss op sëllechen Jazz-Festivaller duerch Europa gereest a konnt sech scho ganz jonk en Numm als zäitgenësseschen Jazz-Trompettist maachen.

De Roy Hargrove huet mat enger Rei Jazz-Gréisste wéi Marsalis, Herbie Hancock, Hoe Henderson oder Joshua Redman Lidder opgeholl a gouf mat 2 Grammien ausgezeechent.



Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.