Et wor emol ... zu Lëtzebuerg"Calliope"

D'Reportage-Serie ëmmer dënschdes géint 19.25 Auer, also kuerz virum Journal, op RTL Télé Lëtzebuerg an am Livestream op RTL.lu - an duerno am Replay.

Et wor emol zu Lëtzebuerg: "Calliope" (06.11.2018)
Lëtzebuerger Geschicht emol anescht. Skurril Anekdoten a Personnagen déi een scho bal vergiess hat.

Zu Viichten ass 1994 e Bauer beim Baggeren op Mosaike gestouss, déi hien erëm zougeschott huet.

Eréischt 8 Méint méi spéit gouf de Service Archéologique duerch en anonymmen Telefonsuruff doriwwer informéiert.

Tëscht Mäerz an Enn Juli 1995 dunn hunn zu Viichten op dem Areal d'Archeologen e faarwege Mosaik vun 61m2, e Meeschterwierk vun aussergewéinlech artistescher Qualitéit, ausgegruewen. Et stellt déi 9 Musen aus der griichescher Mythologie duer, dorënner am Kärstéck d‘Muse Calliope zesumme mam Dichter Homer.



Viichten an Ëmgéigend waren tëscht dem 2. an 3. Joerhonnert no Christus staark besidelt an dee Mosaik huet zu enger réimescher Villa gehéiert. Eréischt d'Germanenafäll tëscht 260 an 276 no Christus hu villes zerstéiert.

Dobäi hat dat Viichtener Mosaik Chance, ënnert enger meterdécker Leemschicht ze verschwannen an esou 17 Joerhonnerten heel z‘iwwerstoen.  

Am Musée um Fëschmaart hunn di 9 Musen an den Homer haut eng Éiereplaz an eng Kopie dovunner kann een zu Viichten bei der Gemeng bewonneren.  

© mnha.lu


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.