VIDEOEN A FOTOEN - Um FëschmaartMat Archeologie a Musek gouf dat chinesescht Neit Joer gefeiert

Am nationale Geschichts- a Konschtmusée konnt ee sech e Samschdeg vun der traditioneller chinesescher Kultur faszinéiere loossen.

Chinesescht Neit Joer: Kultur vu China méi no bréngen (09.02.2019)
Virun allem konnten d'Leit am MNHA um Fëschmaart d'Expo "Déi archeologesch Schätz vun Henan" an déi traditionell chinesesch Musek entdecken.
De Leit déi chinesesch Kultur méi nozebréngen, dat ass d'Zil vun den "oppenen Dieren" ronderëm d'chinesescht Neit Joer, déi e Samschdeg de ganzen Dag iwwer am nationale Geschichts- a Konschtmusée an der Stad organiséiert goufen. Beispillsweis konnten d'Leit d'Expo "Déi archeologesch Schätz vun Henan" an déi traditionell chinesesch Musek entdecken. Donieft goufen och Workshoppen organiséiert.

Bei deene Workshoppe kruten d'Leit zum Beispill déi chinesesch Origami a Kalligraphie méi nobruecht. D'Kalligraphie steet an Zesummenhang mat der chinesescher Molerei. Virun allem e Pinsel a Pabeier ginn dofir benotzt. Bekannt gouf déi chinesesch Kalligraphie, well sech de chinesesche Keeser Song Huizong mat Hëllef vun där Molerei ausgezeechent huet.

D'Leit konnten och iwwert Visite-Guidéeën eng 150 archeologesch Schätz aus der Provenz Henan, dat heescht méi iwwert d'Originne vun der chinesescher Zivilisatioun, entdecken. Ausgestallt si Masken, Bijouen, Skulpturen a Kleeder. Wärend den Originne vun der chinesescher Zivilisatioun ware besonnesch Gold, Sëlwer, Bronz a Parzeläin präsent.

D'Visiteure gouf och méi iwwer déi chinesesch Musek gewuer - Musek, déi virun allem genotzt gëtt fir ze meditéieren ...

Organiséiert gouf dat Ganzt zesumme mat der Association culturelle chinoise. Iwwer 1.000 Leit hu vum Dag vun den oppenen Diere profitéiert.



Iwwer d'Expo am MNHA


Les origines de la civilisation chinoise - Trésors archéologiques du Henan Exposition temporaire du 21 novembre 2018 au 28 avril 2019


Cette exposition spectaculaire présente pour la première fois au Luxembourg et dans toute la Grande Région un aperçu sur 3000 ans d'histoire de la civilisation chinoise, des dynasties des Xia et Shang à celle des Song. Plus de 150 objets permettent de retracer l'émergence et le développement de sociétés strictement hiérarchisées et d'États centralisés dans les Plaines centrales de la Chine. Il s'agit sans conteste d'une des expositions archéologiques les plus importantes présentées jusqu'à présent au Luxembourg. Le projet est réalisé en en collaboration étroite avec le Henan Museum et les principaux musées de la province du Hénan.

Originne vun der chinesescher Zivilisatioun visualiséieren (05.12.2018)
Eng 150 Objeten, déi bis zu 3.000 Joer al sinn – sou eng Ausstellung iwwer chinesesch Archeologie gouf an der Groussregioun nach net.

Cette exposition est organisée avec le soutien de Bank of China Luxembourg et de Cargolux.

Al chinesesch Schätz am Nationalmusée (29.11.2018)
Et ass gepackt: d'Ekipp vum Nationalmusée huet d'Expo iwwer déi bal 3.000 Joer al chinesesch Schätz opgeriicht an ass prett fir de grousse Public.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.