Onbemannt MissiounNeie Film vum Kënschtlerkollektiv Richtung22

Den 27. Dezember ass am Ciné Sura d'Première vum Lëtzebuerger Sci-Fi Film "Onbemannt Missioun".

Richtung22
De Film "Onbemannt Missioun" leeft de 27. Dezember um 15, 17, 19 an 21.30 Auer um Ciné Sura zu Iechternach. Am Film geet et ëm d'Crew vu Gallabu 4, déi ënnerwee ass, fir de Planéit P2 a Besëtz ze huelen an auszebeuten. Ma kuerz virun hirem Zil verléiert de Kontrollraum de Kontakt mat der Crew vu Gallabu 4.

De Communiqué vu Richtung22
Inhalt:
D’Gallabu 4 ass op enger Missioun fir de Planéit2 auszebeuten an a  Besëtz ze huelen. Mä kuerz nodeems d’Raumschëff d’Ëmlafbunn vu P2 erreecht huet, brécht am Kontrollraum Panik aus: Et ka kee Kontakt méi zu den Astronauten hiergestallt ginn… Wäert d’Missioun geléngen? Wien huet d’Kontroll? A wou bleiwt dem Chef säi Kaffi? Fannt et raus an deem  spannensten a progressivste Sci-Fi, dee je zu Reisdorf gedréit gouf!
Kontext:
Nodeems Richtung22 zulescht mat engem Theaterstéck iwwert de Nationbranding ze gesi wor, gräift de jonke Kënschtler*innekollektiv a sengem neie Film op eng Weltraummetapher zeréck, fir, mat däer typescher Portioun schwaarzen Humor, op gesellschaftlech Mëssstänn hinzeweisen.
Daten:
Titel: "Onbemannt Missioun"
Première: 27.12.2015 um 15:00, 17:00, 19:00 an um 21:30 Auer am Ciné Sura / Iechternach.
Produktion: Richtung22; Lëtzebuerg 2015
Dauer: ca. 75 min
Sprooch: Letzebuergesch
Alter: Ab 12
Ticketen reservéieren: http://richtung22.org/om_tickets-premiere/