Luxmasters 2018 D'Ekippen-Inscriptioune sinn zënter dem 1. Juli op

Fir d'Fans vun CS:GO heescht et elo d'Ouere spëtzen: E-Sports Luxembourg organiséiert nees hire nationalen Tournoi. Inscriptioune bis Enn August!

LUXMASTERS by E-Sports Luxembourg (05.07.2018)
Och dëst Joer kënnen sech CS:GO-Spiller nees op de Luxmasters 2018 moossen.
D'Associatioun E-Sports Luxembourg gëtt et zënter 2 Joer an ass am Beräich E-Sports, also dem kompetitive Gaming zu Lëtzebuerg aktiv. 2017 gouf et déi éischten Editioun vun de Luxmasters, also engem kompetitiven Event ronderëm d'Spill Counter Strike, bei deem 5 géint 5 gezockt gëtt.

Déi 2. Editiounen 2018 gouf am Mee vun E-Sports Luxembourg annoncéiert. Zënter dem 1. Juli bis nach den 31. August kënnen Ekippen sech umellen, dat iwwert e Formulaire op Luxmaster.lu. Maximal 8 Leit kann een umelle pro Ekipp, 5 Persounen mussen et der op mannst sinn. Leit déi keng Ekipp zesummekréien, kënnen sech trotzdem umellen, esou de Steve Cannivy vun E-Sports Luxembourg:

De Steve Cannivy, President vun E-Sports Luxembourg


De Steve erkläert och, wat am Verglach zu 2017 ännert:

De Steve Cannivy, President vun E-Sports Luxembourg (2)



Tëscht dem 15. September an ugangs November ginn dann d'Online-Gruppephase gespillt. D'Finalle gi vum 1. Dezember un an der Schongfabrick ausgedroen.  Hei kann dann och de Public d'Ekippen ënnerstëtzen.
© E-Sports Luxembourg

Iwwregens gouf et dëst Joer dann och schonn e 1-on-1 Event, esou de Sven vun E-Sports Luxembourg:

De Sven Cannivy, Vize-President vun E-Sports Luxembourg


Och wann et nëmmen Iwwerleeunge sinn, denkt ee bei E-Sports Luxembourg och driwwer no, eventuell aner Spiller niewent CS:GO ze ënnerstëtzen:

De Steve Cannivy, President vun E-Sports Luxembourg (3)


Am Interview waren de Steve, President a Matbegrënner vun E-Sports Luxembourg, de Sven, Vize-President vun E-Sports Luxembourg an de Jerome, Matbegrënner an interne Coordinateur bei E-Sports Luxembourg.

Hei nach de Link fir op de Facebook-Site vun E-Sports Luxembourg!



Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.