FOTOEN a VIDEO - Luxembourg Gaming Xperience 2018Dëse Weekend huet sech nees alles ëm de Gaming gedréit

Genee wéi och soss ëmmer, wäert d’LGX am Casino 2000 zu Munneref sinn. Nei Produite punkto Gaming, awer och Turnéiere stinn nees um Programm.

Schonn zënter 2-3 Woche sinn d’Tickete fir d’LGX online, dat op LGX.lu. Fir 15 Euro kritt een de Weekend-Pass, et kann een sech natierlech awer och just een Tickete fir Samschdes oder Sonndes huelen.

Iwwer 3.000 Visiteuren op der Luxembourg Gaming Experience (30.09.2018)
De Weekend gouf zu Munneref am Casino gezockt an et konnt ee sech iwwert déi neiste Saachen am Gaming informéieren.


85% vun den ënner 34-järege Leit spille reegelméisseg Videospiller, schätzen d'Organisateure vun der LGX. An dat um Handy, op der Spillkonsolen oder um Computer. Gratis Spiller wéi Fortnite, oder den neie Fifa19 leie grad voll am Trend awer och de VR déi Virtuell Realitéit

Et gëtt Mënschen, déi mat Videospiller hiert Liewe verdéngen, professionell Gamer oder Gamerinnen also. Eng vun hinnen ass d'Melania Mylioti: Jidderee weess, dass de Gaming boomt, dowéinst wëlle vill Entreprisen dran investéieren, an esou kann een zanter e puer Joer vum Gaming liewen, do virdru war et just en Hobby.

Iwwer 3.000 Visiteuren dierften iwwregens de Weekend zu Munneref op der LGX eng Ronn gezockt hunn.

De Fabio De Aguiar iwwert de Programm op der LGX





Wéini ass d'LGX genee?

Majo net nëmme kucken, mee matmaachen ass dëst Joer op der LGX ugesot, dat well ee quasi bei all Stand eng Aktivitéit matmaache kann. Natierlech wäerten et och nees Verkafsstänn ginn.

Déi verschiddenst Präisser ginn et ze gewannen, sollt een dann den Highscore knacken.  Dann gëtt et awer och e spezielle Weekend-Challenge fir alleguerten d’Fortnite-Fans. Hei geet et drëms, dat populäert Lama op der LGX ze sichen.

Wat gëtt säitens den Exposanten vu Programm ugebueden?

6 Turnéiere wäerten et dann nach ginn, dat a 6 verschiddene Kategorien, respektiv Spiller. D’Qualifikatioune fir League of Legends a Rocket League wäerten am Virfeld am September schonn ausgedroe ginn.



Méi Infoen heizou ginn et op 11F.lu. (Qualifikatioune sinn de 16. an 23. September). Umellen kann een sech um offizielle Site vun 11F Gaming.



6 Turnéieren ginn et op der LGX! Hei d'Infoen!

D’Turnéiere fir Fifa 2019 (dat 2 Deeg virun der LGX erauskënnt), Clash Royal, Dragonball Fighter Z a Super Smash Bros. wäerten da komplett zu Munneref ausgedroe ginn.

Ganz nei dëst Joer ass dann de Cosplay, dee méi an de Mëttelpunkt geréckelt gëtt. Hei geet et jo drëms sech wéi seng Anime- respektiv Gaminghelden ze verkleeden. An deem Kontext gëtt et dann och speziell  e Concours op der LGX.

Och Cosplay ass dëst Joer en Thema!



Datum vun der LGX: Samschdes den 29. September a Sonndes den 30. September 2018.


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.