Lëtzebuerger ExploitFrancisco Munoz wënnt grousse FIFA-Turnéier zu Saarbrécken

Iwwer 80 Spiller hunn do deelgeholl, fir 2.000€ Präisgeld ze gewannen.

© ESportsUnited Saar
Den Francisco “FCD03-Ciscinho” Munoz, war e Samschdeg einfach net ze schloen. Den Spiller vum “FC Déifferdeng 03 Esports” huet all seng Matcher souverän gewonnen. Hien ass als 1. duerch d’Gruppen komm, huet dann 4-1, 4-3, 5-2, 5-1 gewonnen. An der Finale ass et net anescht gelaf. Mat 6-1 huet hien géint säi leschten Géigner gewonnen an doduerch och d'Präisgeld vun 2.000€ mat heem geholl.


Den “DiogoSantos26” (Progrès Niederkorn Esport), war leider an der 1/8-Finall schonn eraus. Schued fir den Diogo, dee ganz kloer een vun den Favoriten war, zemools wann een seng Score vum leschten Joer kuckt (Gewënner SprinGames 18, LGX 18, SaturnBelvalCup 18, BelleEtoileGamingWeek 18). Hien däerf do net den Kapp hänken loossen. Et kann een jo net ëmmer gewannen.

© ESportsUnited Saar


Dat ganzt huet d’ASBL “E SportsUnited Saar” organiséiert. Eng ASBL déi och bei eis am Land schonn un eis Turnéieren deel geholl hunn, mat hiren FIFA Pros., mä et nach net gepackt hunn um lëtzebuergeschen Territoire ze gewannen.

Den nächsten FIFA-Rendezvous, ass elo den 23. Februar 2019 am Shopping Center Topaze zu Miersch. Do organiséiert 11F Gaming déi 3. Editioun vum FIFA TEAM CUP (2v2).

Infoen an Inscriptioun op www.11f.lu

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.