"Kinnekswiss goes Pops"De Concert aus dem Stater Park elo am Replay!

E Mëttwoch war den Ofschloss vun der Fête de la musique an der Stad mam traditionellen Open-Air-Optrëtt vum OPL ënnert der Baguette vum Gast Waltzing.

Den Orchestre Philharmonique du Luxembourg huet awer net um Knuedler, mä op der Kinnekswiss gespillt, do, wou eng grouss Bühn opgeriicht gi war. Eng 5.000 Leit waren an de Park komm an hu sech am Sëtzen, am Leien oder am Stoen iwwer d'Wiss verdeelt, fir dem Special Guest, der Jazz-Sängerin China Moses, Duechter vun der bekannter Dee Dee Bridgewater, nozelauschteren. A bal alles huet um Enn gepasst. D'Stëmmung, d'Ambiance, de Concert, d'Plaz, just e puer Gedrénksstänn méi hu bei deem waarmen, duuschterege Wieder gefeelt.

D'Stëmmung op der Kinnekswiss



Duerno waren den Direkter vum LCTO, Tom Bellion, an de Marc Weydert vun der Stad Lëtzebuerg am Kiosk am Radio am Interview an hunn op déi zwou Aussoe reagéiert, dass net genuch Gedrénksstänn do waren an un der Akustik nach misst geschafft ginn ...

Kinnekswiss Ambiance, Begeeschterung a Reaktiounen


Wien de Concert vum OPL mam China Moses verpasst huet, konnt en op Nationalfeierdag op der Tëlee gesinn oder vun elo un am replay op RTL.lu.

Kinnekswiss goes Pops with China Moses, Gast Waltzing & OPL (23.06.2017)
E Mëttwoch war den Ofschloss vun der Fête de la musique an der Stad mam traditionellen Open-Air-Optrëtt vum OPL ënnert der Baguette vum Gast Waltzing.

Hei den Detail vun «Kinnekswiss goes Pops» with China Moses, Gast Waltzing & OPL:

Orchestre Philharmonique du Luxembourg
Gast Waltzing, conductor
China Moses, vocals
Luigi Grasso, saxophone
Michael Gorman, piano
Rom Heck, bass
Rom Heck, double bass
Marijus Aleksa, drums

Stécker:
China Moses, Anthony Marshall: «Blame Jerry» (Arr: Luigi Grasso)
China Moses, Anthony Marshall: «Breaking Point» (Arr. David Laborier)
China Moses, Anthony Marshall: «Disconnected» (Arr: Luigi Grasso)
China Moses, Anthony Marshall: «Hungover» (Arr. Gast Waltzing)
China Moses, Anthony Marshall: «Lobby Call» (Arr: Luigi Grasso)
China Moses, Anthony Marshall: «Nicotine» (Arr. Gast Waltzing)
China Moses, Anthony Marshall: «Running» (Arr. Gast Waltzing)
China Moses, Anthony Marshall: «Ticking Boxes» (Arr. David Laborier)
China Moses, Anthony Marshall: «Watch Out» (Arr. David Laborier)
China Moses, Anthony Marshall: «Whatever» (Arr. David Laborier)
María Grever: «What a Difference a Day Makes» (Arr. Peter Hinderthür)
Quincy Jones: «You’re Crying» (Arr. Raphaël Lemmonier, Peter Hinderthür)
China Moses, Raphaël Lemonnier: «Dinah’s Blues» (Arr. Jan-Peter Klöpfel)



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.