Zuchongléck Beetebuerger TriageCFL-Passagéierzuch duerch Stopp-Signal gefuer

Een Doudegen, ee méi schwéier an ee méi liicht Blesséierten ass de leschte Bilan nom Zuchaccident beim Beetebuerger Triage.

Frontalkollisioun vun 2 Zich bei Beetebuerg (14.02.2017)
Een Doudegen, 2 Blesséierter, dat ass de Bilan vum Ongléck. Ee Maschinist hat ee Stoppschëld ignoréiert. Firwat dat keen Alarm ausgeléist huet, ass net gekläert


D'Enregistrementer vum System, deen den Trafic geréiert, weisen, dass den CFL-Passagéierzuch duerch e Stopp-Signal gefuer ass. Firwat dat geschitt ass, muss d'Enquête klären.

Communiqué de Presse

Les CFL informent que les enregistrements du système de gestion du trafic montrent que le train voyageurs CFL TER 88807 à destination de Thionville, impliqué dans l’accident, a franchi un signal d’arrêt. Les causes du dépassement restent à être confirmées par l’enquête en cours.


Zuchongléck (14.02.2017)
Op der Linn 60 haten sech um Dënschdeg UM 8.45 Auer e franséische Gidder- an e Lëtzebuerger Persounenzuch frontal ze pake kritt. 


Um Dënschdeg de Moie ass géint 8.45 Auer aus nach net gekläerte Grënn, tëscht dem Triage zu Beetebuerg a Zoufftgen, op der Héicht vun Diddeleng, e franséische Gidder- an e Lëtzebuerger Persounenzuch, dee vun der Stad Richtung Thionville ënnerwee war um nämmlechte Gleis frontal ze pake kritt. De Gidderzuch hat 27 eidel Waggonen ugehaangen. Dat ergëtt am Cumul méi wéi 330 Meter Längt an e Gewiicht vu 610 Tonnen.

De Lëtzebuerger Passagéierzuch hat 3 Waggonen.

© Luc Rollmann / RTL Télé Lëtzebuerg

„Tragescherweis huet de Machinist vum Persounenzuch, e Lëtzebuerger CFL-Beamten, säi Liewe gelooss. Meng Gedanke sinn de Moment haaptsächlech beim Mann senger Famill!“: Dat sot e beréierte François Bausch an der Mëttesstonn, wéi den Transportminister - zesumme mam Inneminister - d'Press iwwert d'Zuchaccident no bei der Betebuerger Gare de triage informéiert huet.

D'Läich vum Machinist konnt der Police no eréischt kuerz no 17 Auer gebuerge ginn.

Och d'Schaffnerin, déi just liicht verwonnt gouf, schafft fir déi Lëtzebuergesch Bunn. De Maschinist aus dem franséische Gidderzuch gouf méi schwéier blesséiert, ma hie wär net a Liewensgefor.

Beim Evaluéiere vun der Situatioun huet gehollef, dass nom schroen Accident mat 6 Doudegen no bei Zoufftgen, am Oktober 2006, neit Material ugeschaaft gouf, datt et déi Kéier erlaabt huet, datt d'Aarbechte méi séier konnte gemaach ginn. Et hätt een natierlech gehofft, datt een dat Material ni bräicht. Béid Accidentsplaze leien iwwregens just e puer honnert Meter Loftlinn vuneneen ewech.

Zuchaccident: Déi komplett Pressekonferenz.


Aussoe vun der Schaffnerin no géif een net dovun ausgoen, datt nach weider Persounen am Zuch waren. Dëst kéint een awer eréischt definitiv confirméieren, wann déi zwee Zich auserneegezu ginn.

De "Plan nombreuses victimes" gouf net ausgeléist. Eng 100 Secouristen a Poliziste sinn un der Aarbecht op der Onglécksplaz bedeelegt an och de Groupe de support psychologique ass sur Place.

Op Uerder vum Parquet ass d'Spuresécherung vun der Police mat der Enquête chargéiert. Nieft dem Policehelikopter, de Beruffspompjeeën a villen Ambulanzen ass och d'Hondsstaffel do.

Parquet: Onofhängegen Expert genannt

Och de Parquet mellt sech am Kader vum déidlechen Zuchaccident zu Wuert a schreift an engem Communiqué, datt de Magistrat, deen Permanence hat, zesummen mat engem Untersuchungsriichter zu Beetebuerg op der Plaz war.

De Juge d'Instruction huet all Perquisitiounen an Auditiounen ordonnéiert, déi néideg sinn, fir d'genee Ursaachen an d'Scholdfro vum Accident ze klären. Et gouf duerfir och en onofhängegen Expert genannt.

Communiqué du Parquet de Luxembourg concernant l'accident ferroviaire de ce matin à Zoufftgen
(14.02.2017 -18h)

Dans le cadre de l’accident ferroviaire survenu à Zoufftgen en date de ce jour, le Magistrat de permanence du Parquet de Luxembourg a tout de suite ordonné toutes mesures conservatoires utiles. Il a par la suite saisi le juge d‘instruction près le tribunal d’arrondissement de Luxembourg et s’est rendu avec celui-ci sur les lieux de l’accident. Le juge d’instruction a ordonné toutes perquisitions et auditions utiles à la manifestation de la vérité et procédera notamment à la nomination d’un expert indépendant pour déterminer les circonstances exactes de l’accident.

© Pierre Weimerskirch


48 Stonne fueren op der Streck keng Zich

D'Ongléck dierft dann och gréisser Repercussiounen op den Trafic en Dënschden den Owend hunn. D'Streck Lëtzebuerg-Diddenuewen bleift wahrscheinlech bis e Mëttwoch den Owend komplett gespaart. 24 Busser gi fir d'Streck agesat an zirkuléieren tëscht der Stater an der Diddenuewener Gare.
Donieft fueren och zousätzlech all hallef Stonn Zich op der Streck Péiteng-Rodange-Lonkesch-Metz.

Stréck Stad op Diddenuewe bleift zou (14.02.2017)
D' CFL organiseiere Busnavetten op Diddenuewen.


Trafic ferroviaire suspendu sur la ligne Luxembourg-Thionville pour 48 heures. Des bus de substitution sont mis en place entre Luxembourg et Thionville, départ quai 19. Les clients TGV sont acheminés vers la Gare Lorraine TGV.
Suite aux fortes perturbations, les CFL recommandent aux voyageurs d'éventuellement opter pour un mode de transport alternatif ou bien dans la mesure du possible de décaler leur déplacement.

Quel plan de transport pour mercredi? - Den Artikel op 5minutes.lu

© Pierre Weimerskirch


22 bus navettes entre Lux et Thl maintenues toute la journée. Départ bus de Luxembourg quai 21.
2 bus navettes entre Btv et Hettange pour les clients vers hettange (valable du 14/02/17 à partir de 12h40 et jusqu'à 48 heures plus tard):

Bettembourg 08:40,09:40,10:40,11:40,12:40,13:40,14:40,15:40,16:40,17:40,18:40,19:40 20:40 21:40 22:40 23:40
Hettange 09:00 10:00 11:00 12:00 13:00 14:00 15:00 16:00 17:00 18:00 19:00 20:00 21:00 22:00 23:00 00:00
Bettembourg 09:20 10:20 11:20 12:20 13:20 14:20 15:20 16:20 17:20 18:20 19:20 20:20 21:20 22:20 23:20 00:20

4 trains prévus au depart de lux pour heures de pointe de ce soir:
Depart lux 16h30, US
Depart lux 17h30, UM
Depart lux 18h30, UM
Depart lux 19h30, US
Ces 4 trains passent par Lw et desservent:
Uckange, hagondange, maizieres et metz.
Les clients pour thl pourront prendre des trains sncf en france.

Les clients peuvent prendre des trains vers Vm ce soir sans recevoir de contraventions.


D'Linn 60 Lëtzebuerg-Beetebuerg-Esch-Rodange funktionéiert normal.

Le trafic sur la ligne 60 entre Luxembourg-Bettembourg-Esch-sur-Alzette et Rodange est maintenu.

PDF: En Info Client vun der CFL

RTL NEWS: Collision à Dudelange Usagers du train, voici comment rentrer chez vous ce soir

Wat ass den ETCS-System?

Sécherheetssystem nach net aktivéiert! (14.02.2017)
De Kontrollsystem fir Zich(ETCS) ass grenziwwerschreidend nach net aktivéiert.


De Maschinist vum Lëtzebuerger Persounenzuch ass also duerch e Stoppsignal gefuer.

Et gëtt en Europäesche Sécherheetssystem, den ETCS, dee soll agräifen, wann e Mënsch e Feeler mécht. Dee gëtt et och hei am Land, och op där Streck, an awer huet e beim Ongléck net funktionéiert.

De ganze Lëtzebuerger Schinnereseau huet de Sécherheetssystem ETCS, de „European Train Control System“ zanter dem November 2014. Wann zum Beispill en Zuch vill ze séier ënnerwee ass oder duerch e Stopp-Signal fiert, kann dee System agräifen, d'Kontroll iwwert den Zuch iwwerhuelen a wann néideg eng Noutbremsung maachen.

Zanter dem Oktober zejoert gëtt et deen Europäesche System och op der Streck, wou elo den Accident war. Alles ass zougelooss. Och d'Gefierer, also d'Zich, brauchen eng Autorisatioun. Déi gëtt et awer nach net fir a Frankräich ze fueren. Do läit de Problem. De Sécherheetssystem war net un. D'Demarche lafen nach, sot de Marc Hoffmann aus dem Direktiounscomité vun den CFL op der Pressekonferenz.

Den ETCS-System muss op enger Gare virun der Grenz ausgeschalt ginn, wann et Richtung Frankräich geet; während der Fahrt kann de System nämlech net ausgemaach ginn.

Datt d'Gefier nach net fir a Frankräich zougelooss ass, ass also net de Feeler op Lëtzebuerger Säit. Frankräich huet säin eegene Sécherheetssystem. Speziell fir e Land wéi Lëtzebuerg mat ville Grenzregiounen ass dat problematesch. Méi spéit am Joer soll d'Autorisatioun op franséischer Säit duerch sinn. Et gëtt awer och e Virgängersystem, de MEMOR II +. Firwat deen d'Accident net verhënnert huet, muss sech weisen.

Virum Accident gouf keng Alerte ausgeléist. Wéi et heescht, hätt de franséische Maschinist, wéi en d'Accident komme gesinn hätt, eng Brems gezunn a wier dunn no hanne gelaf.

Op Nofro hin, gouf et vun den CFL keng zousätzlech Informatiounen iwwert de Sécherheetssystem. Déi soll et en  Donneschdeg op enger Pressekonferenz ginn.

RTL-NEWS: 10 Joer schonn - Erënnerung un den Zuchaccident vu Zoufftgen.

Den 11. Oktober 2006 ware 6 Leit gestuerwen, wéi zu Zoufftgen, bal op der selwechter Plaz, zwee Zich aneneegeknuppt waren.

10 Joer Zuchaccident Zoufftgen (11.10.2016)
Den 11. Oktober 2006 ware 6 Leit gestuerwen, wéi zwee Zich aneneegeknuppt waren. Op der Plaz gouf en Dënschdeg un d'Affer vun deemools erënnert.