Zuchstreck geet net virun e Sonndeg nees opZeremonie fir verstuerwenen CFL-Mataarbechter op der Gare

Eng 100 Leit hate sech op der Gare versammelt, fir hirem verstuerwenen Aarbechtskolleg ze gedenken.

Virun der Gare an der Stad hunn d'Leit sech getraff a sinn dunn zesumme bis op de Quai gaangen, wou den Zuch en Dënschdeg de Moie fortgefuer ass. Do hu se da Käerzen ugefaangen a bei eng Foto vum CFL-Mataarbechter néier geluecht.

Um 8.45 Auer, ëm déi Zäit ass den Accident en Dënschdeg beim Triage zu Beetebuerg geschitt, hunn och all d'Zich getut. Eise Fotograf op der Plaz huet d'Leit, déi sech do versammelt haten, als "ganz beweegt" bezeechent.

"Black Box" aus dem Zuch gëtt vum Parquet ënnersicht
Nach ëmmer ass net genee gewosst, wat geschitt ass
CFL-Passagéierzuch duerch Stopp-Signal gefuer

Hei d'Schreiwes vun der Syprolux:

Um Dënschdeg 14.02.2017 géint 08:45 Auer ass et zu enger Kollisioun zwëschen engem Gidderzuch aus dem Frankräich an engem Passagéierzuch aus Richtung Stad koum.

An dëse schwéiere Stonnen sinn eis Gedanken beim Affer a senger Famill. Dodriwer eraus denke mir awer och un déi Blesséiert vun dësem trageschen Accident.

Mir soen de Rettungsdengschter, der Police Grand-Ducale an den implizéierten CFL-Hëllefsequippen, déi op der Plaz hiert Bescht maachen a gemaach hunn e grousse Merci fir hir schnell a professionell Hëllef.

Matgedeelt vum Conseil d’administration vum SYPROLUX