Nom ZuchaccidentTechnescht Personal vun den CFL zanter 4 Deeg am Groussasaz

Fir datt d'Streck en Dënschdeg nees kann opgoen, schaffen zwou Equippe ronderëm d'Auer fir d'Schinnen an d'Leitungen ze flécken.

Technescht Personal vun den CFL zanter 4 Deeg am Groussasaz. (18.02.2017)
D'Zuchaccident a seng Suitten: Fir datt d'Streck en Dënschdeg nees opgeet, schaffen zwou Equippen ronderëm d'Auer fir d'Gleiser an d'Leitungen ze flécken.
PDF Trafic Info vun den CFL fir den 18. a 19. Februar

PDF Trafic Info vun den CFL fir den 20. Februar

En Dënschdeg gëtt da progressiv nees normal op der Linn 90 Stad-Diddenuewen gefuer.

Reaktioun vum Transportminister François Bausch iwwer CGT-Lorraine

Spannunge mat der Franséischer Bunn hunn sech nees berouegt (17.02.2017)
Um Freideg gouf op Dialog gesat. D'Personal vun der SNCF fir weider op Lëtzebuerger Territoire. En Dënschdeg geet d'Stréck op Diddenuewen nees op.


De François Bausch krut vu sengem franséischen Homolog verséchert, datt et sech bei der Annonce vun der CFDT ëm ee Malentendu géing handelen.

Um Donneschdeg haten d’Eisebunnergewerkschaften an der Lorraine decidéiert, datt bis op weideres keng franséisch Schaffneren an Zuchführer méi wäerten um Lëtzebuerger Reseau fueren. Wéi et vun de Gewerkschaften geheescht huet, wéilt ee Sécherheetsgarantië fir d’Personal an d'Clienten um Lëtzebuerger Eisebunn-Reseau.

Bis op weideres keng franséisch Zich (16.02.2017)
D'Zuchpersonal wëll Sécherheete vu Lëtzebuerg kréien. Op mannst bis e Sonndeg.

Um Freideg de Moie hu sech och d'Gewerkschaften CGT-Lorraine an de Landesverband an engem gemeinsame Communiqué zu Wuert gemellt. Doranner fënnt ee kee Commentaire zu den Ursaachen vum Accident. D'Justiz sollt elo a Rou schaffe gelooss ginn. Donieft drécken d'CGT an de Landesverband hir Hoffnung aus, datt déi franséisch an déi Lëtzebuerger Bunn wierklech Hand an Hand zesummeschaffen an a voller Transparenz derfir suergen, datt all d'Ëmstänn opgekläert ginn, fir d'Sécherheet op der Bunn nach besser z'assuréieren.

PDF: Communiqué vun der CGF-Lorraine & FNCTTFEL-Landesverband

Méi doriwwer héiert dir um Méindeg de Mueren bei eis op der Antenn. Invité vun der Redaktioun géint 10 op 8 ass de Jean-Claude Thümmel, President vum Landesverband, wou am Detail wäert iwwert de Sujet geschwat ginn.

Et ass héich Zäit, verstänneg mateneen ze schwätzen a Rou an den Dossier ze kréien. Dat ass, am Interview op eiser Antenne, d'Reaktioun vum Infrastrukturminister François Bausch op d'Reproche vun der franséischer Gewerkschaft CFDT géint d'Lëtzebuerger Eisebunner.

De Lëtzebuerger Zuchreseau wier iwwregens e ganz sécheren, seet de François Bausch, deen elo och mat sengem Homolog Alain Vidalies geschwat huet. Dat Ganzt wier ee Malentendu. Hei wieren e puer Gewerkschaftler virgeprescht. Et géif een an aller Rou zesumme kucken, fir déi Streck nees opzekréien. D'Relatiounen tëscht den CFL an der SNCF wieren exzellent.

Interview François Bausch



Interview mam François Bausch iwwert d'CFDT



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.