Pont AdolpheÉischt Passerell weltwäit, déi ënner bestoender Bréck hänkt

Um Sonndeg, 17. September geet deen aussergewéinleche Vëloswee, deen iwwregens ronderëm d'Auer accessibel ass, offiziell op.

© Claudia Kollwelter
Et ass déi éischt Passerell weltwäit, déi ënnert enger bestoender Bréck hänkt - de Schantje vun der Passerell ënnert dem Pont Adolphe ass zwar nach net komplett ofgeschloss, ma e Méindeg hat d'Press d'Méiglechkeet, sech déi ganz Konstruktioun eng éischte Kéier am Detail unzekucken.

Net just d'Vue, déi ee vun der neier Passerell, déi haaptsächlech fir Vëlosfuerer geduecht ass, huet, ass impressionnant, och d'Architektur an déi während den Aarbechten entdeckten Deeler vun der Festungsmauer, déi op flott Manéier integréiert goufen, dierfte begeeschteren - net just d'Vëlosfuerer.



De 17. September geet d'Passerell se offiziell fir de Public op - deen Dag ass zäitgläich och den éischten autofräien Dag an der Stad Lëtzebuerg.

D'Passerell ass iwwregens ëmmer op. Duerch eng Beliichtung, déi ee vu baussen net gesäit, ass et dann och zu all Moment méiglech, mam Vëlo vun der Stad eriwwer op d'Gare ze fueren.

© Claudia Kollwelter


D'Konstruktioun mat de Seeler war eng Erausfuerderung fir déi zoustänneg Ingenieuren, erkläert de Marc Ries, Ingenieur vun der Stad Lëtzebuerg:

Extrait Marc Ries, Ingenieur vun der Stad Lëtzebuerg (17.07.2017)
Den Ingenieur iwwer d'Passerell ënnert dem Pont Adolph


Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.