VIDEO: Präzisioun Accident am KloterparkPolice: Affer war net 10, mä 14 Joer al

E Méindeg um 13 Auer ass eng Grupp aus enger Maison Relais am Park Le'h Adventure Park gewiescht.

Kloterpark Diddeleng: Interview mam Gerant Gilles Franck (14.08.2017)
E Méindeg um 13 Auer ass eng Grupp aus enger Maison Relais am Park Le'h Adventure Park gewiescht.
Ee 14 Joer ale Jong ass 10 Meter an d'Déift gefall an huet sech derbäi schwéier verwonnt. Ugangs hat d'Police gemellt, de Jong wier 10 Joer al. Um Donneschdeg huet d'Police dëst an hirem Bulletin awer richteggestallt.

D'Kand ass mam Klotergurt an d’Déift gefall. D'Sécherheetsseeler sinn uewen hänkebliwwen. Wéi de Gerant vum Park Gilles Franck am RTL-Interview sot, huet d'Kand eng falsch Manipulatioun gemaach.

Kloterpark Diddeleng: De Gerant Gilles Franck (14.08.2017)
Jong fält 10 Meter an d'Déift am Kloterpark zu Diddeleng


Accident Kloterpark/Reportage Roy Grotz



De Bouf koum mam Rettungshelikopter vun der Air Rescue an d’Spidol.

Wéi et schéngt, besteet keng Liewensgefor, de Bouf huet awer verschidde Bréch, mä keng schro Kappwonnen.

De Kloterpark besteet zanter 11 Joer zu Diddeleng a gëtt vun „Park Le'h Adventures“ geréiert. All Geräter ginn all Joer streng kontrolléiert. Null Risiko gëtt et net, mee zu 99 % wier alles an der Rei, sou de Gilles Franck.

Et géif sech ëm e mënschleche Feeler handelen. D'PJ huet och gesot, datt et op alle Fall kee Materialfeeler wier, sou dass een net misst de Park zoumaachen.

D'Police judicaire enquêtéiert an dëser Affaire.