Op Maria HimmelfaartPrëssessioun um Virowend a grousst Fest zu Greiweldeng

De 15. August feieren d'Katholiken Maria Himmelfaart an zu Greiweldeng gouf, wéi all Joer, mat engem grousse Fest "Léiffrawëschdag" gefeiert.

Den "Léiffrakrautdag" oder "Krautwëschdag", wéi en och nach genannt gëtt, gehéiert zu de sougenannten "Erntefester" also Recolte-Fester, déi een bis an e virchrëschtlecht Zäitalter zeréck verfollege kann. Dat traditionellt Seene vu Kären a Kraider gëtt awer net méi op ville Plaze gemaach. Bei dësem Brauch kënnt de Paschtouer a seent de Leit hir Kraider, déi si – zesummegebonnen an engem sougenannte „Wësch“- mat an d'Kierch bréngen.

Zu Ettelbréck zum Beispill hat sech e Méindeg de Moien d'Sektioun Nordstad vun "natur an ëmwelt" Rendez-vous ginn, fir dës Traditioun z'erhalen. Den Dan Hardy war fir eis op der Plaz.

Léiffrawëschdag: E Méindeg ass de Wësch gebonne ginn (14.08.2017)
Zu Ettelbréck hat sech e Méindeg de Moien d'Sektioun Nordstad vun natur an ëmwelt Rendez-Vous ginn, fir dës Traditioun z'erhalen.


Eng Prëssessioun geet awer och all Joer de 14. August vu Réiser bei der Donatuskapell, op der Streck Alzeng/Fréiseng. Et ass eng Traditioun déi Joerhonnerten iwwerlieft huet.



Geheimtipp fir Maria-Himmelfahrt (15.08.2017)
Um Virowend gëtt sech zu Réiser beim "Weekräiz Pilger" getraff fir iwert de Schlammestee bei d'Donatus-Kapell ze pilgeren.


Nodeems d'Maria dunn 1678 als Schutzpatréinerin vum Lëtzebuerger Land auserwielt gouf, huet een dës Seenung vun de Kraider nach mat enger Muttergottes-Prëssessioun verbonnen.

Um Dënschdeg war da volle Programm zu Greiweldeng, wou de Wësch geseent ginn ass, duerno gouf et de ganzen Dag iwwer Animatioun uechter d'Dierfchen op der Musel. Donieft gouf et 60 Handwierker- an Hobbystänn uechter d'Stroossen, déi hiert kënschtlerescht Kënne presentéiert an verkaaft hunn.


Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.