Schueberfouer 2017Nächste Mëttwoch: Gebrannte Nëss, gebake Fësch, vill Spiller

Nächste Mëttwoch geet d'Schueberfouer um Glacis op. Et ass déi 677. Editioun. Et ginn eng Partie Changementer, net eleng wéinst dem Tram-Chantier.

Fouer 2017 / Reportage Natascha Sagadin



RTL NEWS: Ëffentlechen Transport fir d'Schueberfouer gouf verbessert

PDF Dossier de Presse Schuberfouer 2017

Fouer 2017, de nächste Mëttwoch geet et lass (17.08.2017)
Et ass déi 677. Editioun. Et ginn eng Partie Changementer, net eleng wéinst dem Tram-Chantier.


Déi gastronomesch Etablissementer gi laanscht d'Allée Scheffer regruppéiert. Do ass Plaz fir 6.500 Leit. Se sinn do och eng Zort Isolatioun fir d'Awunner um Lampersbierg géint de Kaméidi.

Et kommen am Ganzen 180 Forains-Etablissementer plus 80 Verkafsstänn an der Allée Scheffer. Et kommen iwwer eng hallef Dosen nei Spiller.

Extrait Patrick Goldschmidt

Wéinst dem Tramchantier gëtt d’Fouer ganz liicht méi kleng, den Deel vun der Avenue Pastor fält souguer ganz ewech. Déi néideg Ëmorganisatioun vum Site dréit och mat sech, datt d'Riserad dëst Joer net méi do steet wou et soss ëmmer stoung. Och déi 2 Alleeë goufe liicht verlängert. Zwar kritt d’Fouer en neit Gesiicht, mee d'Traditioun geet awer net verluer, sou d’Stater Buergermeeschterin Lydie Polfer.

D'Freedefeier bei der Clôture ass den 11 September. Do sinn d'Tariffer fir den hallwe Präis bis Owes 20 Auer.

Den 30. August ass Familljendag mat reduzéierten Tariffer.

Een Drëttel vun de Forainen sinn dëst Joer Lëtzebuerger. 35% si Fransousen, 16% si Belsch, 14% Däitscher. Déi aner kommen aus Holland respektiv der Schwäiz.

Am Ganze sinn et jee 25 Attraktiounen fir Erwuessener respektiv Kanner, 63 Spiller, 15 Restauranten, 35 Buvetten oder Snacken a 17 Confiserien.

D'Leit sinn ausdrécklech opgeruff d'Park & Ride Méiglechkeeten ze benotze fir op d'Fouer ze kommen, besonnescht praktesch wieren hei d'Parkingen Place de l'Europe an Dräi Eechele wou 1200 Parkplaze sinn a vu wou een ze Fouss iwwert d'Roud Bréck ka goen, gouf nach en Donneschdeg op der Pressekonferenz gesot.

Weider Detailer ginn et op fouer.lu