VIDEO: Naturpark UewersauerNiveau vum Stauséi ze déif, Oppositioun schléit Alarm

Fir den Norde vum Land ass de Stauséi a seng Emgéigend touristesch an economesch gesinn e wichtegt Standbeen.

Vill Kritik wéinst ze nidderegem Waasserstand vum Stauséi (17.08.2017)
Den Ament ass de Niveau vum Séi sou déiw dass den Accès op méi wéi enger Plaz nëmme schlecht méiglech ass.
Den Ament ass den Niveau vum Séi awer esou déif, dass den Accès op méi wéi enger Plaz nëmme schlecht méiglech ass.

Och d'Solarboot vum Naturpark Uewersauer ka wéinst dem ganz déiwe Waasserstand net op der gewinnter Plaz uleeën. Wann een zum Beispill zu Ënsber wëll schwamme goen, hënnere verfale Betons-Infrastrukturen.

D'Deputéiert vun der politescher Oppositioun grad wéi di Responsabel vum Naturpark schloen elo Alarm. Déi chrëschtlech Sozial aus dem Norden sinn elo opbruecht, dat virun allem, well hei den Accès fir Schwëmmer geféierlech a kengem zouzemudde wär.

Vun der Kritik viséiert ass virop d'Privat-Firma, déi bei der Staumauer mat Waasserkraaft Stroum produzéiert, d'Firma Soler géif virun allem no der Wirtschaftlechkeet kucken an net ob den Niveau vum Stauséi iwwerhaapt nach héich genuch ass. Gefuerdert gëtt elo, dass alleguerten déi fir de Stauséi zoustänneg Autoritéiten zesummekomme sollen, fir no Léisungen ze sichen.   

E Reportage vum Dan Hardy





Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.