VIDEO: Sproochen an de SpideelerAm Spidolssecteur schaffen 56,4% Net-Lëtzebuerger

Virun allem eeler Persoune bekloe sech dacks doriwwer, datt, wa se an der Klinik leien, wéineg Leit Lëtzebuergesch schwätzen, ob Personal oder Dokteren.

Am Spidolssecteur schaffen 56,4% Net-Lëtzebuerger (18.08.2017)
Virun allem eeler Persoune bekloe sech dacks doriwwer, datt, wa se an der Klinik leien, wéineg Leit Lëtzebuergesch schwätzen, ob Personal oder Dokteren.
Effektiv sinn iwwer 50% Prozent vun de Leit, déi am Spidolswiese schaffen, net Lëtzebuerger. D'Petitioun fir Lëtzebuergesch a Spideeler als Flichtsprooch anzeféieren, hat déi néideg 4.500 Ënnerschrëften net kritt. Mee de Petitionär krut awer eng Äntwert vum Gesondheetsministère

2016 waren 47 Prozent vun de spezialiséierten Dokteren Lëtzebuerger, 12 Prozent Fransousen, 13 Prozent Belsch, 21 Prozent Däitsch an 7 Prozent vun anere Nationalitéiten. Och bei den Infirmièren an Infirmieren si gutt een Drëttel Lëtzebuerger, een Drëttel Fransousen an een Drëttel vun aneren Natiounen.

Am Escher Spidol  schafft Linda Bertolino zanter 17 Joer. Am Escher Spidol géif ee versichen, vill Efforten ze maachen, wëll een e feste Kontrakt, muss een op d'mannst den Niveau B2 am Lëtzebuergeschen hunn. Trotzdem wier ee sech bewosst, datt dee Sproochenniveau net duer geet, fir komplizéiert medezinesch Froen ze klären.



Insgesamt schaffen am Spidolssekteur 56,4 Prozent Net-Lëtzebuerger, de Spidolssecteur géif ouni des Aarbechtskräeft net fonktionnéieren.

E Reportage vum Pierre Weimerskirch

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.