Op der Héicht vun der Aire de BerchemUergen Accident op der Diddelenger A3 a Richtung Stad

Méi schro war en Accident e Méindeg de Moien géint 9.30 Auer op der Diddelenger A3 a Richtung Stad op der Héicht vun der Aire de Berchem.

D'Autobunn A3 gouf komplett gespaart, dat bannent kuerzer Zäit e Stau bis bei d'Beetebuerger Kräiz provozéiert hat a souguer bis op Kanfen a Frankräich.

An den Accident waren e Camion, eng Camionnette an 3 Autoen involvéiert. Wéi et vun de Beetebuerger Pompjeeën heescht, konnten déi meescht Persounen aus eegener Kraaft hir Gefierer verloossen, an 2 Autoe gouf jeeweils eng Persoun ageklemmt. Si hu misse mat schwéierem hydraulesche Rettungsgeschir aus den accidentéierte Ween befreit ginn.

Leschten Informatiounen no goufen 3 Leit blesséiert, eng dovunner liewensgeféierlech. Si koume mat 3 Ambulanzen, a Begleedung vum Samu an d'Klinik.

© Domingos Oliveira/RTL


D'Leit si plazeweis aus hiren Autoe geklommen a stoungen op der Autobunn, well et guer net méi virugaangen ass.

Op der Plaz waren d'Pompjeeë vu Beetebuerg a Réiser, jeeweils eng Ambulanz vu Beetebuerg, Diddeleng a Käl, de Samu aus der Stad, d'Police an d'Ponts et Chaussés. 

Kuerz no 12 Auer war d'Onglécksplaz geraumt an de Stau huet sech lues a lues opgeléist.

Accident op der A3 - Autobunn war komplett gespaart (16.10.2017)
Méi schro war en Accident e Méindeg de Moien géint 9.30 Auer op der Diddelenger A3 a Richtung Stad op der Héicht vun der Aire de Berchem.

Den ACL an d'Pompjeeën erënneren drun ....
Wann Dir am Stau stitt, loosst w.e.g eng permanent Rettungsgaass an der Mëtt vun der Strooss fräi, fir dass d’Rettungsgefierer séier un hiert Ziel kënne kommen.