VIDEO: DéiereschutzMéi streng Gesetzer gefuerdert

An deene leschte Joeren ass iwwer gläich e puer offiziell Petitioune méi e strengt Déiereschutz-Gesetz gefuerdert ginn.

Neit Déiereschutz-Gesetz nach fir dest Joër? (16.10.2017)
Dat neit Gesetz soll dozou féieren dass d'Fäll vun Déierequälerei erof ginn.
Doropshin huet d'Regierung am Mee zejoert ee neie Gesetzestext virgestallt. Den Haaptpunkt dovunner ass, dass d'Déier net méi als Objet definéiert gëtt, wéi nach am aktuelle Gesetz vu 1983, mä als net-mënschlecht Wiesen mat Gefiller. An der zoustänneger Chamber-Kommissioun ass de Projet e Méindeg nach mol op de Leescht geholl ginn.

Déi méi streng gesetzlech Sanktioune via Geldstrof vu bis zu 200.000 Euro respektiv bis zu 3 Joer Prisong misste séier a Kraaft trieden, fuerderen iwwerdeems d'Déiereschützer hei am Land. Et erhofft ee sech, datt duerch déi méi streng Strofen d'Fäll vun Déierequälerei erofginn.

Och d'Politiker si sech eens, datt Déierequäler méi musse gestrooft ginn. Am Gesetz mussen nach Adaptatioune gemaach, well verschidde Fäll net virgesi sinn, esou kéint een dem aktuelle Gesetz no och keng Mausfal méi opriichten.

E weidere Volet am Gesetz ass d'Fuerschung, wou ee sech och méi kloer Regelunge wëll ginn, wat Déireversich ugeet. Esou Adaptatioune brauchen dann och Zäit, ma de Minister ass optimistesch, datt d'Gesetz an den nächste Méint a Kraaft wäert trieden.

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.