Dan KerschKeen zousätzleche Pappecongé fir Staatsbeamten

Staatsbeamten an Employéen an der Fonction publique kréien den Ament keen zousätzleche Pappecongé bäi.

© RTL-Archiv
Dat geet aus der Äntwert vum Minister fir den ëffentlechen Déngscht Dan Kersch op eng parlamentaresch Fro vun den DP-Deputéierten Max Hahn a Claude Lamberty ervir.

PDF: Réponse à la question N° 3349 (Question écrite) de Monsieur Max Hahn, Député, Monsieur Claude Lamberty, Député concernant Congé de paternité, par Monsieur Dan Kersch, Ministre de la Fonction publique et de la Réforme administrative.

D'Regierung huet jo viru kuerzem decidéiert, de sougenannte Pappecongé am Privatsecteur vun zwee op 10  Deeg auszebauen.

D'Mataarbechter beim Staat hunn elo schonn zanter 2006 4 fräi Deeg ze gutt, wa se Papp ginn. An dat soll einstweilen och sou bleiwen.

Mat der Aféierung vun den Zäitkonte beim Staat kéinten Fonctionnairen an Employés de l'Etat flexibel iwwert hir zousätzlech Stonne verfügen.

Den Dan Kersch schreift donieft, datt Adaptatioune bei nächste Gehälterverhandlungen diskutéiert kéinte ginn.

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.