FOTOEN a VIDEODen Eldoradio feiert 25 Joer

Den 1. Oktober 1992 war de Startschoss vun engem neie Radiosender zu Lëtzebuerg. Haut ass den Eldo den zweetstäerkste Radio am Land.

Viru 25 Joer ass en op Antenne gaangen, an Tëschenzäit gëtt en all Dag vu ronn 120.000 Leit gelauschtert, dovunner 47% Net-Lëtzebuerger Residenten.

David Gloesener, Eldo Station Manager: Et war 1991, wou d'Radio-Liberaliséierung zu Lëtzebuerg entstanen ass, do ass de Monopol vun RTL gefall an du konnten och aner Radio-Sender entstoen. An den Eldo ass am Fong mat der Iddi entstanen e jonke Sender ze maachen, e Sender fir déi jonk Leit, mat ganz vill Musek. De Motto deemools war och ganz vill Musek. 

Vill Musik awer natierlech och jonk an dynamesch Stëmmen, déi um Eldoradio moderéiert hunn.

Gestart gouf beim Eldoradio mat enger Equipe vu 6 bis 7 feste Leit. An Tëschenzäit si 16 Persoune fest beim Eldo agestallt an et ginn eng ganz Partie Freelance-Mataarbechter, déi hëllefen de Programm mat ze gestalten. E Programm, dee sech haut awer net méi reng op de Radio beschränkt. Nieft dem Internetsite gëtt vill Aarbecht an de soziale Medie gemaach an et gëtt eng Aart Tëlee mat eldo.tv. 

25 Joer Eldoradio (10.11.2017)
Den 1. Oktober 1992 war de Startschoss vun engem neie Radiosender zu Lëtzebuerg. Haut ass den Eldo den zweetstäerkste Radio am Land.


E Freideg den Owend gouf de 25. Gebuertsdag vum Eldo am Melusina an der Stad gefeiert.

Do gouf et live Musek mat de Bands Tuys a Flying Orkestar an dono hunn d’Eldo Oldschool DJs fir Partystëmmung gesuergt.

Och Politiker ware present, fir dem Eldoradio ze gratuléieren, dorënner de Lëtzebuerger Premier Xavier Bettel.




Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.