VIDEO: #metooSexuell Belästegung op der Veianer Gemeng?

Metoo, sexuell Belästegung op der Aarbechtsplaz, dat gëtt et och hei. RTL läit e Fall vir, wou d'Gemeng Veianen Harcèlement a Mobbing virgehäit kritt.

Sexuell Belästegung op der Veianer Gemeng? (20.11.2017)
Eis läit e Fall vir, wou d'Gemeng Veianen Harcèlement a Mobbing virgehäit gëtt.
Affer wär eng Fra, déi sollt de Poste vum Gemengesekretär iwwerhuelen. Si wier an hirem Stage ni ugeléiert ginn, mä ënnert anerem mat pornografeschem Material traktéiert a psychologesch fäerdeggemaach ginn, bis si um Enn krank gi wier. Wärend hirem Krankeschäin huet d'Gemeng si dunn erausgehäit.

Pornographesch Mailen a systematesche Mobbing sinn d'Virwërf. Dobäi kënnt, datt d'Fra keen Accès zu wichtegen Informatioune kritt hätt, fir hiren Job kënnen uerdentlech ze maachen. Virwërf, déi d'Gemeng bestreit.

Dokumentéiert ass och eng Karikatur, déi eng Fra plakeg vun hanne weist, allerdéngs gouf déi vum presuméierten Affer un de presuméierten Harceleur gemailt. "Et war fir ze weisen, datt ech um selwechten Niveau si wéi hien, fir gutt mat him ze sinn, fir datt e mech endlech uléiert", seet d'Affer. Et ass also net alles eendäiteg un dem Fall.

D'Gemeng Veianen bestreit all Virwërf a weist all Schold vu sech.

Et ass eng komplex Geschicht, déi do zu Veianen ofgelaf ass. Antëscht ass och den Inneminister, dee jo och Minister vun der Fonction publique ass, saiséiert ...

An engem Communqiué rifft d'FGFC d'Politik op, fir an esou Fäll d'Verantwortung z'iwwerhuelen.

PDF: D'Reaktioun vum der FGFC