Dan Codello"Ech ziele mech net zur Oppositioun an net zur Majoritéit!"

Dat sot den Dan Codello, dee bis d'Gemengewalen LSAP-Schäffen zu Esch war an zanter deene Wahlen als Onofhängegen am Gemengerot vun Esch sëtzt.

Hie géif awer och net déi Politik desavouéieren, déi hien déi lescht Joren iwwer matgedroen hätt.

D'LSAP géif no de Wahlen Oppositiounspolitik maachen. Doriwwer mécht sech den Dan Codello, wéi hie sot, keng gréisser Gedanken, a seng Ex-Partei géif sech der méi iwwer hie maache wéi hie sech Gedanken iwwer si.

Zu de gréissten Defie fir déi no Zukunft vun der Minettsmetropole zielt den onofhängege Gemengerotsmember d'Fäerdegstelle vum PAG. Den Inneminister hätt den 8. August als Stéchdatum ginn. Deen Datum wier schonn 2 mol geréckelt ginn, an als Stad Esch, misst een onbedéngt d'Aarbecht um PAG virundreiwen, sou den Dan Codello op der Pressekonferenz um Mëttwoch de Moien. An deem Kontext hätt hien och dem Escher Schäfferot d'Fro gestallt, wou ee mat deenen Aarbechten um PAG dru wier. De PAG géif de Wunnengsbau, de Commerce, d'Ekonomie, d'Mobilitéit an och d'Fräizäitoffer an enger Stad definéieren. Wann een d'Stad an all sengen Domainer wéilt entwéckelen, da misst een d'Aarbecht um PAG zu enger absoluter Prioritéit maachen.

Den Dan Codello


Weider Aussoe vum Dan Codello héiert Dir am Journal um 18.30 Auer.

Dan Codello an Escher Gemeng / Reportage Eric Ewald



Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.