PoliceGanz presséierte Pilot huet zu Fréiseng de Permis verluer

Mat 113 Kilometer an der Stonn gouf en Automobilist an der Lëtzebuerger Strooss zu Fréiseng ugehalen. Erlaabt ass hei 50.

De Chauffeur, deen am Duerf 63 km/h ze vill drop hat, gouf vun de Beamten an der Lëtzebuerger Strooss zu Fréiseng ugehalen. Wéinst der héijer Vitess gouf e provisorescht Fuerverbuet ausgeschwat an de Chauffeur huet säi Permis missten ofginn. Eng Plainte gouf deposéiert.