VIDEO: "Galeries Lafayette" am Royal HamiliusStater Geschäftsleit: Héich Loyeren, manner Clienten

D'Wierfel sinn gefall: Déi franséisch Chaîne "Galeries Lafayette" kënnt an de Komplex Royal-Hamilius. Dat krut RTL um Mëttwoch confirméiert.

"Galeries Lafayette" kommen op Lëtzebuerg (17.01.2018)
Déi franséisch Chaîne "Galeries Lafayette" soll an de Komplex Royal-Hamilius kommen. Dat schreift de Moien de Lëtzebuerger Journal.

De President vum Geschäftsverband vun der Stad Lëtzebuerg bestätegt, och wann déi lescht Ënnerschreift nach feelt.

Zwee grouss Gruppen waren am Coup: d'Grands-Magasins Printemps an d'Galeries Lafayette.

Eng gutt Nouvelle fir déi ganz Stater Geschäftswelt, sou de Guill Kaempff.

Stater Geschäfter, déi et den Ament net einfach hunn. Héich Loyeren a manner Clientë bedéngt duerch d'Schantercher maache suergen.

De Komplex Royal-Hamilius soll am Mee d'nächst Joer seng Dieren opmaachen, wéi et vum Promoteur heescht.

Op 36.000 Metercarré kommen ënnert anerem 73 Logementer, Büroen a 16.000 Metercarré Geschäftsfläch. Nieft de Galeries Lafayette kommen och d'Fnac an de Supermarché Delhaize an den neie Komplex.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.