Neien InternetsiteInformatiounen op Englesch vun elo un op RTL Today!

Vun elo u fannt Dir eis Informatiounen net nëmme wéi gewinnt op Lëtzebuergesch op RTL.lu an op Franséisch op 5minutes.lu, ma och op Englesch op today.lu.

RTL Today - Promo (29.01.2018)
-
1996, 2011 an elo de 5. Februar 2018 - dräi 3 markant Datumer an der Evolutioun vum Internet-Optrëtt vun RTL Lëtzebuerg: E Méindeg am fréien Owend goung nämlech deen engleschsproochege Site vun RTL Today online.

Wat bitt dës nei Offer?

Ganz einfach: de kompletten RTL-Neiegkeeten-Iwwerbléck, national an international, op Englesch!

Hei geet et op RTL Today!

Déi gewinnten Informatioun, déi Dir zu zeg Zéngdausenden all Dag op RTL.lu kënnt noliesen, op Foto-Galerië kënnt kucken an och a ville Videoen an Original-Téin a Reportagë kënnt suivéieren, ass also elo och op Englesch ze consultéieren.

D'Zil ass et, net nëmmen national an international Noriichten an Entertainment op Englesch unzebidden, mä och eng Kommunikatiounsplattform ze ginn. Et soll ee sech austauschen an Erliefnesser mat anere Leit deele kënnen. Iwwerdeems wéilt een e Lien zum Rescht vun der Populatioun schafen.


D'Offer entsprécht de Gewunnechten an de Realitéiten am Grand-Duché: Alles an allem schwätzen an der Moyenne eng 97.000 Leit all Dag op der Schaff, doheem oder an der Schoul englesch. Statec-Etüden no beherrsche 7 vun 10 Awunner d'Englescht gutt bis ganz gutt.

PDF: De Communiqué vun RTL op Englesch.
PDF: De Communiqué vun RTL op Franséisch.
PDF: De Communiqué vun RTL op Däitsch.

RTL Today adresséiert sech also esouwuel u Leit, déi Englesch vu Kand op schwätzen, wéi och u User, déi un där Sproch interesséiert sinn ... fir si gëllt vun haut un eng Adress, fir komplett informéiert ze sinn: today.lu, grad wéi och d'Optrëtter op Twitter a Facebook. An natierlech op Appen:

IOS: https://itunes.apple.com/us/app/rtl-today/id1335630401?ls=1&mt=8

Android: https://play.google.com/store/apps/details?id=lu.rtl.newmedia.today

RTL Today (05.02.2018)
Watch today’s local and world news summary.


4 Méint laang hunn am Ganzen 23 Leit um neien Internetsite geschafft. Redakteren, Iwwersetzer an eng technesch Ekipp hunn dofir gesuergt, dass alles prett ass fir dee groussen Dag. Eleng um Logo an um Layout vun RTL Today ass wochelaang gefeilt ginn.

D'Ekipp vun den RTL-Today-Journaliste gëtt geleet vum Lisa Burke an dem Natascha Berndt.

D'Homepage vum neien Internetsite RTL Today.


D'Redaktioun vun RTL Today schafft dobäi och enk zesumme mat der franséischer an der lëtzebuergescher Ekipp vum RTL. Si verschafft dee Contenu, deen op béide Säiten erakënnt, a passt en hirem Public un. Do dernieft produzéiert si awer och eege Contenuen, déi spezifesch op hir Zilgrupp ausgeriicht sinn.

Hei geet et op RTL Today!

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.