VIDEO - LSAPMéi Medienerzéiung an der Schoul, Contenu a Kontext setzen

D'LSAP stellt fest, datt ëmmer méi op digital Educatioun gesat gëtt an dofir fuerdert déi sozialistesch Partei méi Medienerzéiung an der Schoul.

D'Taina Bofferding (LSAP) (08.02.2018)
/

Kanner a Jonke géif et dacks un engem selbstbestëmmten a responsabelen Ëmgang mat de Medien feelen an dofir solle si gewësse Schlësselfonktiounen vermëttelt kréien, fir datt se ob d'Liewen an enger dynamescher Informatiounsgesellschaft virbereet sinn.

Fir d'LSAP ass d'Medienerzéiung ganz kloer e Bildungsoptrag. Et dierft een d'Kanner net mat hire Medienerfarungen eleng loossen, mä et misst ee se pedagogesch opgräifen am Beschte scho ganz fréi, seet déi sozialistesch Deputéiert Taina Bofferding. Schonn am 1. Cycle misst ee beim Accès vun digitale Medien ënnerstëtzt ginn.

D'Medienerzéiung soll also schonn an der Grondschoul ufänken an och duerno am Lycée virugoen. Do soll den Accent da méi op d'Evaluatioun vum Contenu gesat ginn, seet de Gil Goebbels. Jonker solle virop bäibruecht kréien, de Contenu an e Kontext ze setzen.

Déi Jonk sollen dann ënnert anerem och d'Aarbecht vum Journalist méi no bruecht kréien, de Fonctionnement vu Medienhaiser an d'Roll. déi de Presserot an d'Alia spillen. 

D'LSAP stellt sech am Lycée och eng Form vun Evaluatioun vir, et misst een awer nach kucken, ob dat op enger méi niddreger Klass soll gemaach ginn oder dono am Ofschlossexamen.

D'Taina Bofferding (LSAP) (08.02.2018)
/


Hei dat offiziellt Schreiwes vun der LSAP:

PDF Schreiwes LSAP

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.