No Sécherheetslandung bei TandelSportfliger gëtt um Freideg mat Remorque oftransportéiert

Eng Piper P28 mat der Registréierung LX-AIF ass um Donneschdeg nieft enger Nationalstrooss am Schnéi gelant. Um Freideg gëtt se oftransportéiert.

© Police
Et hätt sech dobäi ëm en "attérissage de précaution" gehandelt, schreift den Aero-Club an engem Communiqué um fréien Donneschdeg den Owend.

An anere Wierder: Fir kee Risiko anzegoen, wier d'Piper P28, déi mat der Ofkierzung LX-AIF zu Lëtzebuerg registréiert ass, nieft der N352 nërdlech vun Tandel gelant.

© Police


Dobäi schéngt dann och alles gutt geklappt ze hunn: Et wier kee blesséiert ginn an um Sportfliger wier och kee Schued entstanen, notéiert den Aero-Club, also den "Club d'aviation sportive et de tourisme aérien", zu deem d'Piper gehéiert huet.

PDF: D'Schreiwes vum Aero-Club.

Vu Säite vun Aerosport schwätzt ee vun enger "Billerbuch-Sécherheetslandung".

© Aerosport


D'Police, déi vun enger Noutlandung schwätzt, nennt technesch Problemer als Ursaach fir d'Landen op engem Stéck beim "Fréngerhaff", tëscht den Dierfer Baastenduerf an Nuechtmanescht.

Si schreift weider: "Die Notlandung verlief ohne weitere Zwischenfälle. Niemand wurde verletzt."

© Police


Um Freideg gouf ugefaangen de Fliger ze preparéieren, fir e mat enger Remorque ofzetransportéieren.

© RTL Télé Lëtzebuerg / Domingos Oliveira


© RTL Télé Lëtzebuerg / Domingos Oliveira