VIDEO: GesondheetsministèreNationalen Aktiounsplang géint de Radon

Zanter November zejoert gëtt et den nationalen Aktiounsplang, fir d'Konzentratioun vum Radon erofzesetzen.

Nationalen Aktiounsplang géint de Radon (08.02.2018)
Zanter November zejoert gëtt et den nationalen Aktiounsplang, fir d'Konzentratioun vum Radon erofzesetzen.
Well een de Gas, dee Longekriibs verursaache kann, weder gesäit, richt oder schmaacht, besteet d'Gefor en anzeootmen, ouni et matzekréien. Wéinst der Buedemstruktur ass den Norde vum Land méi staark betraff, wéi de Süden. Mat Hëllef vun engem Radon-Test kann ee feststellen, ob Radon an engem sengem Haus optrëtt.

Am Labo vum Gesondheetsministère ginn déi verschidde Prouwen analyséiert. Et dauert tëscht 2 an 3 Wochen, fir de Wäert vun dësem radioaktive Gas, Radon genannt, festzestellen.

Zwee Ziler viséiert dësen nationalen Aktiounsplang. Engersäits geet et drëms, déi Haiser z'identifizéieren, déi héich Radonwäerter opweisen.

D'Miessungen an den Haiser kënnen ëmmer nëmmen tëscht November an Abrëll duerchgefouert ginn.

Dëse Wanter goufe bis ewell eng ronn 1000 Prouwen op dësen Edelgas hi kontrolléiert.

Betraff si virun allem déi 5 Kantone vum Éislek. Hei hu méi wéi 5 Prozent vun den Haiser eng Radon-Konzentratioun iwwert dem Referenzwäert vun 300 Bequerel pro Meter Cube.

Aktuell wären eng 30 Haiser vun héije Radonwäerter betraff. Een zukünftegt Gesetz soll virgesinn, och op Aarbechtsplazen de Radon obligatoresch ze moossen. Déi missten dann och e gewëssene Wäert anhalen.



Är Commentairen - Netikett


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.