VIDEO: A3DNei Sektioun am Mamer Lycée

Vu September u kann ee sech am Enseignement secondaire général fir A3D entscheeden - d'Ofkierzung steet fir Architektur Design an Développement durable.

Nei Sektioun am Mamer Lycée (09.02.2018)
Vu September u ginn et am Enseignement Secondaire General 3 nei Sektiounen.
Vu September u gëtt et am Enseignement Secondaire General 3 nei Sektiounen: eng fir Ëmweltwëssenschaften am Lycée technique zu Ettelbréck, eng am Beräich "Gestion de l'hospitalité‘ an der Hotelsschoul an eng 3. am Lycée vu Mamer.

Architektur Design an Développement durable, kuerz A3D, esou den Numm vun der neier Sektioun am Lycée Josy Barthel zu Mamer. Hei geet et ëm 3 Pilieren: Architektur, Konstruktioun an Design.

Och d'Thema nohalteg Entwécklung ass Bestanddeel vun der neier Sektioun. Vu Physik iwwer Chimie an an de Sprooche ginn déi ganz Theme behandelt. Nom Lycée gëtt et och d'Méiglechkeet, weider studéieren ze goen.

Architektur an Ingenieurswëssenschaften, Beruffer mat Zukunft. Den Ordre des Architectes et des ingenieurs-conseils, OAI, hat e Freideg viru ronn 140 Schüler ee Virtrag iwwert déi verschidde Beruffsfelder gehalen.

Fir e Logo, fir d'Sektioun ze entwéckelen, gi kreativ Iddie gesicht, Kreativitéit, déi schonn op ville Sektiounen am Lycée gefuerdert gëtt.
 
Iwwert den Internetsite a3d.lu kann ee schonn eng onverbindlech Preinscriptioun maachen.



Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.