MeteoE Sonndeg de Moie war Lëtzebuerg nees "schnéiwäiss"
An der Nuecht op e Sonndeg huet et nees geschneit, am Éislek e bësse méi zolidd Flacken an och am Guttland koumen e puer Fläckelcher erof.
E Sonndegnomëtte soll de Schnéi dann awer a Reen iwwergoen, deemno erwaart eis e Mix aus vereenzelt klenge sonnegen Amenter mat vill Wolleken, dat Ganzt bei maximal 5 Grad.
Aussiichten
Och de Méindeg fänkt nees mat Schnéi un, duerno soll et awer méi dréche ginn, mat méi Sonn a Wolleke bei maximale 4 Grad. Den Dënschdeg gëtt méi frëndlech mat enger gudder Portioun Sonn bei 1 bis 5 Grad.
